way

آخر المواضيع

قصة حب مشروع - الحلقة الثامنة

قصة حب مشروع - الحلقة الثامنة 


ﺣﺒﻴﺒﻪ ﺑﺘﻘﻮﻝ ﻟﺒﺎﺑﺎﻫﺎ ﺍﻧﻬﺎ ﻋﺎﻳﺰﻩ ﺗﺘﻄﻠﻖ ﻣﻦ ﺍﻳﻤﻦ
ﺑﺎﺑﺎﻫﺎ ﺍﺫﺑﻬﻞ ﻣﻨﻬﺎ ﻻﻧﻪ ﻋﺎﺭﻑ ﺍﻧﻬﻢ ﺑﻴﺤﺒﻮﺍ ﺑﻌﺾ ﺟﺪﺍ
ﻭﻣﺎ ﺑﻴﺴﺘﻐﻨﻮﺵ ﻋﻦ ﺑﻌﺾ ﻭﺩﻟﻮﻗﺘﻲ ﺣﺎﻣﻞ ﻣﻨﻪ
ﻓﺎﻟﻄﻼﻕ ﻛﺎﻥ ﺍﺧﺮ ﺣﺎﺟﻪ ﻣﻤﻜﻦ ﻳﻔﻜﺮ ﻓﻴﻬﺎ
ﻋﻢ ﺳﻌﻴﺪ : ﺍﻧﺘﻲ ﺑﺘﻘﻮﻟﻲ ﺍﻳﻪ؟ ﺗﺘﻄﻠﻘﻲ؟؟؟ ﻳﺎ ﺑﻨﺘﻲ "
ﺍﻥ ﺍﺑﻐﺾ ﺍﻟﺤﻼﻝ ﻋﻨﺪ ﺍﻟﻠﻪ ﺍﻟﻄﻼﻕ"
ﺣﺒﻴﺒﻪ: ﺍﺩﻳﻚ ﻗﻮﻟﺖ ﺍﻫﻮﻩ ﺣﻼﻝ
ﻋﻢ ﺳﻌﻴﺪ : ﻃﻴﺐ ﻟﻴﻪ؟ ﺟﻮﺯﻙ ﻣﻘﺼﺮ ﻣﻌﺎﻛﻲ ﻓﻲ ﺍﻳﻪ؟
ﺍﻟﻠﻲ ﺣﺼﻠﻚ ﺩﻩ ﻛﺎﻥ ﻏﺼﺐ ﻋﻦ ﺍﻟﻜﻞ؟؟؟ ﺍﻧﺘﻲ
ﺑﺘﻠﻮﻣﻴﻪ ﻟﻴﻪ؟ ؟ ﺩﻱ ﺣﺎﺟﻪ ﺍﻱ ﺣﺪ ﻣﻤﻜﻦ
ﻳﺘﻌﺮﺿﻠﻬﺎ؟؟؟ ﺍﻧﺘﻲ ﻣﺸﻔﺘﻴﺶ ﻛﺎﻥ ﻋﺎﻣﻞ ﺍﺯﺍﻱ؟
ﻭﺣﺎﻟﺘﻪ ﻛﺎﻧﺖ ﺍﻳﻪ؟ ﻋﺎﻳﺰﻩ ﺩﻟﻮﻗﺘﻲ ﺗﺴﻴﺒﻴﻪ؟؟؟
ﺣﺒﻴﺒﻪ: ﻫﻮ ﻣﻴﻦ ﺳﺎﻳﺐ ﻣﻴﻦ ﻳﺎ ﺑﺎﺑﺎ؟؟؟ ﺍﻧﺎ ﺍﻟﻠﻲ ﺳﻴﺒﺎﻩ
ﻭﻻ ﻫﻮ ﺍﻟﻠﻲ ﺳﺎﻳﺒﻨﻲ؟؟؟ ﻫﻮ ﺟﺎﺑﻨﻲ ﻫﻨﺎ ﻭﻣﺮﺿﻴﺶ
ﻳﺎﺧﺪﻧﻲ ﺑﻴﺘﻪ ... ﺍﻧﺎ ﻛﺪﺑﺖ ﻋﻠﻴﻚ ﻟﻤﺎ ﻗﻮﻟﺘﻠﻚ ﺍﻥ ﻣﺎﻣﺘﻪ
ﺗﻌﺒﺎﻧﻪ ﻭﺍﻥ ﻫﻮ ﻣﺸﻐﻮﻝ ... ﻫﻮ ﻣﻜﻨﺶ ﻋﺎﻳﺰﻧﻲ
ﻋﻢ ﺳﻌﻴﺪ : ﻣﺎ ﺗﺘﺒﻠﻴﺶ ﻋﻠﻴﻪ؟ ﻫﻮ ﻗﺎﻟﻚ ﺍﻧﻪ ﻣﺶ
ﻋﺎﻳﺰﻙ ﻓﻲ ﺑﻴﺘﻪ ﻭﻻ ﺑﺘﻌﻤﻠﻲ ﺯﻱ ﺍﻣﻚ ﻭﺗﺄﻟﻔﻲ ﻣﻦ
ﻋﻨﺪﻙ؟؟
ﺣﺒﻴﺒﻪ: ﻳﺎﺭﻳﺖ ﺑﺄﻟﻒ ﺑﺲ ﺍﻧﺎ ﺳﻤﻌﺘﻪ ﻣﺎﻣﺘﻪ ﻗﺎﻟﺘﻠﻪ
ﻧﺎﺧﺪﻫﺎ ﺍﻟﺒﻴﺖ ﻭﻫﻮ ﻗﺎﻟﻬﺎ ﻷ ... ﻫﻮ ﻗﺎﻝ ﻟﻤﺎﻣﺘﻪ ﻣﺶ
ﻫﻴﻨﻔﻊ ﻳﺎﺧﺪﻧﻲ ﺍﻟﺒﻴﺖ ﻭﻣﺶ ﻋﺎﻳﺰ ﻳﻮﺍﺟﻬﻨﻲ ﺍﻭ
ﻳﺸﻮﻓﻨﻲ .... ﺑﺎﺑﺎ ﺍﺧﺮ ﻣﺮﻩ ﺷﻮﻓﺘﻪ ﻣﻌﺎﻳﺎ ﻛﺎﻥ ﺍﻣﺘﻲ
ﻫﺎﻩ؟ ؟ ﺍﻧﺎ ﻓﻀﻠﺖ ﻗﺪ ﺍﻳﻪ ﻓﻲ ﺍﻟﻤﺴﺘﺸﻔﻲ ﺷﻔﺘﻪ ﻣﺮﻩ
ﻭﺍﺣﺪﻩ ﻣﻌﺎﻳﺎ؟ ﺷﻮﻓﺘﻪ ﻣﺮﻩ ﻭﺍﺣﺪﻩ ﻛﻠﻤﻨﻲ ﻛﻠﻤﻪ؟؟ ﺑﺎﺑﺎ
ﺍﻧﺎ ﻣﻦ ﻳﻮﻡ ﻣﺎ ﺍﺗﺨﻄﻔﺖ ﻟﻠﻨﻬﺎﺭﺩﻩ ﻣﻘﺎﻟﻴﺶ( ﻏﻴﺮ ﺳﻼﻡ
ﻋﻠﻴﻜﻢ ﺣﻤﺪﻟﻠﻪ ﻋﻠﻲ ﺍﻟﺴﻼﻣﻪ) ﻭﺑﺲ ﺷﻬﺮ ﺑﺤﺎﻟﻪ ﺍﻫﻮﻩ
ﻓﺎﺕ ﻭﺩﻭﻝ ﺍﻟﻜﻠﻤﺘﻴﻦ ﺍﻟﻠﻲ ﻭﺟﻬﻤﻠﻲ.. ﺍﺳﺘﻨﻲ ﺍﻳﻪ؟
ﻗﻮﻟﻲ ﺍﻧﺖ ﺍﺳﺘﻨﻲ ﺍﻳﻪ ﻭﺍﻟﻠﻲ ﺍﻧﺖ ﺗﻘﻮﻟﻪ ﺍﻧﺎ ﻣﻮﺍﻓﻘﻪ
ﻋﻠﻴﻪ؟؟؟
ﻋﻢ ﺳﻌﻴﺪ : ﻳﺎ ﺑﻨﺘﻲ ﻣﺎ ﻳﻤﻜﻦ ﻋﻨﺪﻩ ﻋﺬﺭﻩ
ﺣﺒﻴﺒﻪ: ﺍﻟﻠﻲ ﻳﺮﻳﺤﻚ ﻳﺎ ﺑﺎﺑﺎ ﺍﻋﻤﻠﻪ (ﺑﺘﻌﻴﻂ ) ﺑﺲ ﺍﻧﺖ
ﺳﺒﻖ ﻭﻋﺮﺿﺘﻨﻲ ﻋﻠﻴﻪ ﻭﻫﻮ ﺍﺗﺠﺒﺮ ﻳﻮﺍﻓﻖ ﻭﻋﻤﻞ ﺑﺄﺻﻠﻪ
ﻭﻛﻤﻞ ﻣﻌﺎﻳﺎ ﻻﻧﻲ ﻋﺠﺒﺘﻪ ﻭﻋﺠﺒﻪ ﺷﻜﻠﻲ ﻭﺩﻳﻨﻲ
ﻭﺍﺧﻼﻗﻲ ﻭﺍﻧﻪ ﺍﻭﻝ ﺭﺍﺟﻞ ﻓﻲ ﺣﻴﺎﺗﻲ ﻟﻜﻦ ﺩﻟﻮﻗﺘﻲ
ﻣﻌﺪﺵ ﻫﻮ ﺍﻭﻝ ﺭﺍﺟﻞ ﻭﺷﻜﻠﻲ ﺍﺩﻳﻚ ﺷﺎﻳﻔﻪ ﺍﻫﻮﻩ
ﻭﺍﻛﺘﺮ ﺣﺎﺟﻪ ﻛﺎﻥ ﺑﻴﺤﺒﻬﺎ ﺷﻌﺮﻱ ﻭﺍﻫﻮ ﺭﺍﺡ ﻓﻬﺘﺠﺒﺮﻩ
ﺗﺎﻧﻲ ﻳﻔﻀﻞ ﻣﻌﺎﻳﺎ ﻭﻫﻮ ﻣﻦ ﺫﻭﻗﻪ ﻫﻴﻮﺍﻓﻖ ﻭﻫﻴﺎﺧﺪﻧﻲ
ﺑﻴﺘﻪ ﻏﺼﺐ ﻋﻨﻪ ... ﺑﺲ ﺍﻧﺎ ﺗﻌﺒﺖ ﻳﺎ ﺑﺎﺑﺎ ﺗﻌﺒﺖ
ﺗﺮﺧﺼﻨﻲ ﻛﺪﻩ
ﻋﻢ ﺳﻌﻴﺪ : ﻳﺎ ﺑﻨﺘﻲ ﺍﻧﺎ ﻋﻤﺮﻱ ﻣﺎ ﺭﺧﺼﺘﻚ ﺍﺑﺪﺍ ﻭﻻ
ﻳﺮﺿﻴﻨﻲ ﺍﺭﺧﺼﻚ ﻭﻣﺎ ﺍﻋﺘﻘﺪﺵ ﺍﺑﺪﺍ ﺍﻥ ﺍﻳﻤﻦ ﺑﻴﻔﻜﺮ
ﻛﺪﻩ ﺍﻭ ﺍﻧﻪ ﺑﻴﺤﺐ ﺷﻜﻠﻚ ﻫﻮ ﻣﺶ ﻣﻦ ﺍﻟﻨﻮﻋﻴﻪ ﺩﻱ
ﺍﺑﺪﺍ
ﺑﺲ ﻟﻮ ﺍﻧﺘﻲ ﺩﻩ ﺍﺣﺴﺎﺳﻚ ﻭﻋﺎﻳﺰﻩ ﺗﺘﻄﻠﻘﻲ ﺣﺎﺿﺮ
ﻫﺠﻴﺒﻪ ﻭﺍﻛﻠﻤﻪ ﻭ
ﻗﺎﻃﻌﺘﻪ: ﺑﺎﻟﻠﻪ ﻋﻠﻴﻚ ﻣﺎ ﺗﺘﻜﻠﻢ ﻣﻌﺎﻩ ﺍﺑﻮﺱ ﺍﻳﺪﻙ ﻣﺎ
ﺗﺘﻜﻠﻢ ﻣﻌﺎﻩ
ﻋﻢ ﺳﻌﻴﺪ : ﺍﻣﺎﻝ ﻳﺎ ﺑﻨﺘﻲ ﻫﻨﻌﻤﻞ ﺍﻳﻪ؟
ﺣﺒﻴﺒﻪ: ﺗﻘﻮﻟﻪ ﺑﺲ ﺍﻧﻲ ﻋﺎﻳﺰﻩ ﺍﺗﻄﻠﻖ ﻭﻣﻦ ﻏﻴﺮ ﻣﺎ
ﺗﻮﺿﺢ ﺍﺳﺒﺎﺏ
ﻋﻢ ﺳﻌﻴﺪ : ﻭﻟﻮ ﺍﻋﺘﺮﺽ ﻭﻟﻮ ﻗﺎﻟﻲ ﻷ ﻭﺭﻓﺾ؟؟؟
ﺣﺒﻴﺒﻪ :ﻣﺶ ﻫﻴﻌﺘﺮﺽ ﻭﻻ ﻫﻴﻘﻮﻝ ﻷ ... ﺩﻩ ﻣﺎ
ﻫﻴﺼﺪﻕ ﺍﻧﻬﺎ ﺟﺖ ﻣﻨﻲ ﻭﻫﻴﻮﺍﻓﻖ ﻋﻠﻲ ﻃﻮﻝ
ﻋﻢ ﺳﻌﻴﺪ : ﺍﻳﻤﻦ ﺑﻴﺤﺒﻚ ﻭﻫﻴﺘﻤﺴﻚ ﺑﻴﻜﻲ
ﺣﺒﻴﺒﻪ: ﺳﺎﻋﺘﻬﺎ ﻫﺒﻘﻲ ﺍﻓﻀﻞ ﻣﻌﺎﻩ ﺍﻭﻋﺪﻙ ﻫﺮﻭﺣﻠﻪ
ﻭﺍﺑﻮﺱ ﺍﻳﺪﻩ ﻛﻤﺎﻥ .... ﻳﺎﺭﻳﺖ ﻳﺎ ﺑﺎﺑﺎ ﺑﺲ ﻫﻮ ﻳﻌﺘﺮﺽ
ﺑﺲ
ﻋﻢ ﺳﻌﻴﺪ : ﻳﺎ ﺑﻨﺘﻲ ﻃﻴﺐ ﻗﻮﻟﻴﻠﻪ ﺍﻧﻚ ﺑﺘﺤﺒﻴﻪ ﻭﻋﻴﺰﺍﻩ
ﺣﺒﻴﺒﻪ: ﻣﺶ ﻫﻘﺪﺭ ﻣﻌﻨﺪﻳﺶ ﻋﻴﻦ ﺍﻗﻮﻟﻬﺎ .... ﻫﻮ ﻣﺶ
ﻗﺎﺩﺭ ﻳﺒﺺ ﻓﻲ ﻭﺷﻲ ﻻﻧﻪ ﻣﺶ ﻫﻴﺸﻮﻑ ﻏﻴﺮ ﺷﻜﻠﻲ
ﻟﻤﺎ ﺟﺎﺑﻨﻲ ﻋﺮﻳﺎﻧﻪ ﻭﺍﻟﻜﻞ ﺷﺎﻓﻨﻲ ﺍﺻﺤﺎﺑﻪ !! ﺯﻣﺎﻳﻠﻪ !!
ﺍﻟﻤﺠﺮﻣﻴﻦ!! ﻣﻌﺪﺵ ﻓﻴﺎ ﺣﺎﺟﻪ ﻣﻤﻴﺰﻩ ﻣﻌﺪﺵ ﻋﻨﺪﻱ
ﺣﺎﺟﻪ ﺧﺎﺻﻪ ﺑﻴﻪ ... ﺍﻧﺎ ﻧﻔﺴﻲ ﻣﺶ ﻗﺎﺩﺭﻩ ﺍﺑﺺ ﻓﻲ
ﻣﺮﺍﻳﺎ ﻭﺍﺷﻮﻑ ﻧﻔﺴﻲ ﻫﻮ ﻫﻴﺸﻮﻓﻨﻲ ﺍﺯﺍﻱ؟؟
ﻋﻢ ﺳﻌﻴﺪ : ﻳﺎ ﺑﻨﺘﻲ ﺗﻔﻜﻴﺮﻙ ﺩﻩ ﻏﻠﻂ ﺍﻧﺘﻲ ﻏﺎﻟﻴﻪ
ﻭﻫﺘﻔﻀﻠﻲ ﻋﻠﻲ ﻃﻮﻝ ﻏﺎﻟﻴﻪ
ﺣﺒﻴﺒﻪ: ﺩﻩ ﺗﻔﻜﻴﺮﻙ ﺍﻧﺖ ﻣﺶ ﻫﻮ ﺍﺭﺟﻮﻙ ﻳﺎ ﺑﺎﺑﺎ
ﻋﻢ ﺳﻌﻴﺪ : ﺣﺎﺿﺮ ﺣﺎﺿﺮ ﻳﺎ ﺣﺒﻴﺒﻪ ... ﻃﻴﺐ ﻭﺍﻟﻠﻲ ﻓﻲ
ﺑﻄﻨﻚ؟؟ ﻫﻴﺒﻘﻲ ﻭﺿﻌﻪ ﺍﻳﻪ ﺑﻴﻨﻜﻢ؟؟
ﺣﺒﻴﺒﻪ: ﻫﻴﺒﻘﻲ ﺍﺑﻨﻪ ﻭﻭﻗﺖ ﻣﺎ ﻳﺤﺐ ﻳﺸﻮﻓﻪ ﺍﻟﺒﺎﺏ
ﻣﻔﺘﻮﺡ ﺩﻳﻤﺎ ﺑﺎﺑﺎ ﺍﻧﺎ ﺑﺤﺒﻪ ﻳﻌﻨﻲ ﻋﻤﺮﻱ ﻣﺎ ﻫﺴﺒﺒﻠﻪ
ﻣﺸﺎﻛﻞ ﺍﺑﺪﺍ
ﻋﻢ ﺳﻌﻴﺪ : ﺭﺑﻨﺎ ﻳﺼﻠﺢ ﺍﻟﺤﺎﻝ ﻳﺎ ﺭﺏ
ﻋﻢ ﺳﻌﻴﺪ ﺭﺍﺡ ﺗﺎﻧﻲ ﻳﻮﻡ ﻻﻳﻤﻦ ﻓﻲ ﺷﻐﻠﻪ
ﺍﻳﻤﻦ: ﺍﻫﻼ ﺍﻫﻼ ﺑﺤﻀﺮﺗﻚ ﻳﺎ ﻋﻤﻲ ﺧﻴﺮ؟
ﻋﻢ ﺳﻌﻴﺪ : ﻛﻨﺖ ﻋﺎﻳﺰﻙ ﻓﻲ ﻣﻮﺿﻮﻉ ﻣﻬﻢ ﻛﺪﻩ ﻧﺘﻜﻠﻢ
ﻫﻨﺎ ﻭﻻ ﺑﺮﻩ؟؟؟
ﺍﻳﻤﻦ: ﻃﻴﺐ ﻛﻨﺖ ﻛﻠﻤﺘﻨﻲ ﻭﺍﻧﺎ ﺟﻴﺘﻠﻚ
ﻋﻢ ﺳﻌﻴﺪ : ﺗﺪﺧﻞ ﺑﻴﺘﻨﺎ؟؟؟ ﻫﻮ ﺍﻧﺖ ﻟﺴﻪ ﻓﺎﻛﺮ ﻋﻨﻮﺍﻧﻪ
ﺍﺻﻼ؟؟؟
ﺍﻳﻤﻦ: ﻣﻌﻠﺶ ﻳﺎ ﻋﻤﻲ ﺍﻧﺎ ﻣﺸﻐﻮﻝ ﺷﻮﻳﻪ ... ﻗﻀﺎﻳﺎ
ﺍﻟﺨﻄﻒ ﻛﺘﻴﺮﻩ ﻗﻮﻱ ﻭﺭﺟﻮﻉ ﺣﺒﻴﺒﻪ ﻋﻄﻲ ﺍﻟﻜﻞ ﺍﻣﻞ
ﻓﻲ ﺍﻥ ﺍﻟﻠﻲ ﺑﻴﺘﺨﻄﻔﻮﺍ ﻣﻤﻜﻦ ﻳﺮﺟﻌﻮﺍ ﻭﻋﻠﺸﺎﻥ ﻛﺪﻩ
ﻣﺸﻐﻮﻝ ﻛﺘﻴﺮ ... ﺍﻧﺎ ﺣﺴﻴﺖ ﺑﺎﻟﻨﺎﺭ ﻭﺍﻟﻮﺟﻊ ﺍﻟﻠﻲ
ﺑﻴﺤﺴﻬﻢ ﺍﻫﻞ ﺍﻟﻤﺨﻄﻮﻓﻴﻦ ﻭﻋﻠﺸﺎﻥ ﻛﺪﻩ ﺣﺎﻟﻴﺎ ﻣﺎﺳﻚ
ﻗﻀﺎﻳﺎ ﺧﻄﻒ
ﻋﻢ ﺳﻌﻴﺪ ﺍﺗﺮﺩﺩ ﻭﻣﺶ ﻋﺎﺭﻑ ﻳﻘﻮﻟﻪ ﻭﻻ ﻷ؟ ﻫﻞ ﻫﻮ
ﻓﻌﻼ ﻣﺸﻐﻮﻝ ﻭﻻ ﺑﻴﺘﺸﺎﻏﻞ؟؟؟
ﺍﻳﻤﻦ: ﻣﻮﺿﻮﻉ ﺍﻳﻪ ﺧﻴﺮ؟
ﻋﻢ ﺳﻌﻴﺪ : ﻭﺍﻟﺪﺗﻚ ﺍﺧﺒﺎﺭﻫﺎ ﺍﻳﻪ؟ ﻓﻜﺖ ﺍﻟﺠﺒﺲ ﻭﻻ
ﻟﺴﻪ؟ ﻭﺻﺤﺘﻬﺎ ﻋﺎﻣﻠﻪ ﺍﻳﻪ؟
ﺍﻳﻤﻦ: ﻓﻜﺖ ﺍﻟﺠﺒﺲ ﻣﻦ ﺑﺪﺭﻱ ﻭﺍﻟﺤﻤﺪ ﻟﻠﻪ ﻛﻮﻳﺴﻪ ...
ﻭﺑﻌﺪﻳﻦ ﺩﻱ ﻛﻞ ﻳﻮﻡ ﻭﺍﻟﺘﺎﻧﻲ ﻣﻊ ﺣﺒﻴﺒﻪ ﻓﻲ ﺍﻟﺒﻴﺖ
ﻋﻨﺪﻛﻢ ﻭﻻ ﺍﻳﻪ؟
ﻋﻢ ﺳﻌﻴﺪ : ﻃﻴﺐ ﺍﻟﺤﻤﺪﻟﻠﻪ ... ﻫﻮ ﺍﻧﺖ ﻧﺎﻭﻱ ﺗﺮﺟﻊ
ﻣﺮﺍﺗﻚ ﺑﻴﺘﻚ ﺍﻣﺘﻲ ﻓﺎﺕ ﺍﻛﺘﺮ ﻣﻦ ﺷﻬﺮ ﺍﻫﻮ ﻭﻫﻴﺎ
ﺍﻟﺤﻤﺪﻟﻠﻪ ﻛﻮﻳﺴﻪ ﻭﻭﺍﻟﺪﺗﻚ ﺑﺮﺿﻪ ﻛﻮﻳﺴﻪ؟ ؟ ؟
ﺍﻳﻤﻦ ﻣﺶ ﻋﺎﺭﻑ ﻳﻘﻮﻝ ﺍﻳﻪ؟ ﺍﻭ ﻳﺒﺮﺭ ﻻﺑﻮﻫﺎ ﺑﺎﻳﻪ؟
ﻳﻘﻮﻟﻪ ﺍﺯﺍﻱ ﺍﻧﻪ ﻣﺶ ﻫﻴﻘﺪﺭ ﻳﻮﺍﺟﻪ ﺣﺒﻴﺒﻪ ﻭﻫﻴﺎ ﻣﺶ
ﻭﺍﺛﻘﻪ ﻓﻴﻪ؟ ﻳﻘﻮﻟﻪ ﺍﺯﺍﻱ ﺍﻥ ﻫﻮ ﻧﻔﺴﻪ ﺛﻘﺘﻪ ﻓﻲ ﻧﻔﺴﻪ
ﺍﺗﻬﺰﺕ؟ ﻳﻘﻮﻟﻪ ﺍﺯﺍﻱ ﺍﻧﻪ ﻣﺶ ﻫﻴﻘﺪﺭ ﻳﻀﻢ ﺣﺒﻴﺒﻪ
ﻟﺤﻀﻨﻪ ﻭﻫﻴﺎ ﺑﺘﻠﻮﻣﻪ ﺍﻧﻪ ﻣﻌﺮﻓﺶ ﻳﺤﺎﻓﻆ ﻋﻠﻴﻬﺎ ﺍﻭ
ﻳﺤﻤﻴﻬﺎ؟؟
ﻋﻢ ﺳﻌﻴﺪ : ﻫﻮ ﻟﻠﺪﺭﺟﻪ ﺩﻱ ﺳﺆﺍﻟﻲ ﺻﻌﺐ؟؟؟
ﺍﻳﻤﻦ: ﻣﺶ ﺣﻜﺎﻳﻪ ﺻﻌﺐ
ﻋﻢ ﺳﻌﻴﺪ : ﺍﻣﺎﻝ ﺣﻜﺎﻳﻪ ﺍﻳﻪ؟
ﺍﻳﻤﻦ: ﺍﻟﺤﻜﺎﻳﻪ ﺍﻧﻲ ﻣﺸﻐﻮﻝ ﺯﻱ ﻣﺎ ﻗﻮﻟﺘﻠﻚ ﻭﻣﺶ
ﻋﺎﻳﺰ ﺍﺧﺪﻫﺎ ﺍﻟﺒﻴﺖ ﻭﺍﺳﻴﺒﻬﺎ ﻃﻮﻝ ﺍﻟﻨﻬﺎﺭ ﻭﺍﻟﻠﻴﻞ
ﻟﻮﺣﺪﻫﺎ ﺍﻧﺎ ﺗﻘﺮﻳﺒﺎ ﻣﺶ ﺑﺪﺧﻞ ﺍﻟﺒﻴﺖ ﻭﻫﻴﺎ ﺍﻛﻴﺪ ﻋﺎﺭﻓﻪ
ﺍﻟﻜﻼﻡ ﺩﻩ ﻣﻦ ﻣﺎﻣﺎ ﻓﻬﺘﺰﻫﻖ ﻭﻋﻠﺸﺎﻥ ﻛﺪﻩ ﺳﺎﻳﺒﻬﺎ
ﻋﻨﺪﻛﻢ ﻭﻻ ﺍﻧﺘﻮ ﻣﺶ ﻋﺎﻳﺰﻳﻨﻬﺎ؟؟؟
ﻋﻢ ﺳﻌﻴﺪ : ﺍﻧﺎ ﺑﻴﺘﻲ ﻣﻔﺘﻮﺡ ﻟﺒﻨﺎﺗﻲ ﻋﻠﻲ ﻃﻮﻝ
ﻓﻜﺮ ﻋﻢ ﺳﻌﻴﺪ ﺍﻥ ﺑﻨﺘﻪ ﻓﻌﻼ ﻛﺎﻥ ﻋﻨﺪﻫﺎ ﺣﻖ ﺍﻳﻤﻦ
ﻣﺶ ﻋﺎﻳﺰﻫﺎ ﻓﻲ ﺑﺒﺘﻪ !!!!
ﻋﻢ ﺳﻌﻴﺪ : ﺷﻮﻑ ﻳﺎ ﺍﺑﻨﻲ ﺍﻧﺎ ﻓﺘﺤﺘﻠﻚ ﺑﻴﺘﻲ ﻭﻣﻤﻜﻦ
ﺍﻛﻮﻥ ﺟﺒﺮﺗﻚ ﻓﻌﻼ ﺗﺘﺠﻮﺯ ﺑﻨﺘﻲ
ﺍﻳﻤﻦ: ﻋﻤﻲ ﻟﺰﻣﺘﻪ ﺍﻳﻪ ﺍﻟﻜﻼﻡ ﺩﻩ؟
ﻋﻢ ﺳﻌﻴﺪ : ﻣﺎ ﺗﻘﺎﻃﻌﻨﻴﺶ ﻟﻮ ﺳﻤﺤﺖ .... ﺍﻧﺖ ﺍﺗﺠﺒﺮﺕ
ﺗﺘﺠﻮﺯ ﺑﻨﺘﻲ ﻭﻫﻴﺎ ﻛﻤﺎﻥ ﺍﺗﺠﺒﺮﺕ ﻻﻧﻬﺎ ﻃﻮﻝ ﻋﻤﺮﻫﺎ
ﺑﺘﺴﻤﻊ ﻛﻠﻤﺘﻲ ﻭﺍﻧﺘﻮ ﺍﺗﺠﻮﺯﺗﻮ ﻭﻋﺸﺘﻮ ﻣﻊ ﺑﻌﺾ
ﻛﻮﻳﺴﻴﻦ ﺑﺲ ﺍﻫﻮ ﻭﺍﻗﻔﻴﻦ ﻓﻲ ﻧﺺ ﺍﻟﻄﺮﻳﻖ ﻭﻛﻞ ﻭﺍﺣﺪ
ﻓﻴﻜﻢ ﻣﺸﻲ ﻣﻦ ﺍﺗﺠﺎﻩ
ﺍﻳﻤﻦ: ﺍﻧﺎ ﻣﺶ ﻓﺎﻫﻢ ﺣﻀﺮﺗﻚ ﻋﺎﻳﺰ ﺗﻘﻮﻝ ﺍﻳﻪ؟
ﻋﻢ ﺳﻌﻴﺪ : ﺣﺒﻴﺒﻪ ﻃﺎﻟﺒﻪ ﺍﻟﻄﻼﻕ
ﻋﻢ ﺳﻌﻴﺪ ﻗﺎﻟﻬﺎ ﻋﻠﻲ ﻃﻮﻝ ﻻﻧﻪ ﻣﺶ ﻋﺎﺭﻑ ﻭﻻ
ﻳﺰﻭﻗﻬﺎ ﻭﻻ ﻳﻘﻮﻟﻬﺎ ﻋﻠﻲ ﻣﻬﻠﻪ ...
ﺍﻳﻤﻦ ﻣﺘﻮﻗﻌﺶ ﺍﺑﺪﺍ ﺍﻧﻬﺎ ﺗﻄﻠﺐ ﺍﻟﻄﻼﻕ ﺍﺑﺪﺍ ﺍﺑﺪﺍ
ﻟﻠﺪﺭﺟﻪ ﺩﻱ ﻫﻴﺎ ﺑﻴﻌﺎﻩ؟؟؟ ﻟﻠﺪﺭﺟﻪ ﺩﻱ ﻣﺶ ﻗﺎﺩﺭﻩ
ﺗﺘﻘﺒﻠﻪ ﺍﻭ ﺗﺴﺎﻣﺤﻪ؟؟؟ ﻫﻮ ﻏﺼﺐ ﻋﻨﻪ ﻟﻮ ﻃﻠﺒﻮﺍ ﺣﻴﺎﺗﻪ
ﻣﻜﻨﺶ ﺍﺗﺄﺧﺮ ﻧﻬﺎﺋﻲ؟؟؟ ﻟﻠﺪﺭﺟﻪ ﺩﻱ ﻳﺎ ﺣﺒﻴﺒﻪ
ﺑﺎﻳﻌﺎﻧﻲ؟؟؟؟
ﻋﻢ ﺳﻌﻴﺪ : ﺍﻧﺖ ﺳﺎﻛﺖ ﻟﻴﻪ؟
ﻋﻢ ﺳﻌﻴﺪ ﺣﺲ ﻫﻨﺎ ﺍﻥ ﺍﻳﻤﻦ ﺍﺗﺼﺪﻡ ﻭﺍﺗﻮﺟﻊ ﻭﺣﺲ ﻗﺪ
ﺍﻳﻪ ﻫﻮ ﺑﻴﺤﺐ ﺑﻨﺘﻪ؟؟؟؟
ﺍﻳﻤﻦ: ﻣﺶ ﻋﺎﺭﻑ ﺣﻀﺮﺗﻚ ﻣﺴﺘﻨﻲ ﻣﻨﻲ ﺍﻗﻮﻟﻚ ﺍﻳﻪ؟
ﻫﻮ ﺍﻟﻤﻔﺮﻭﺽ ﺍﻗﻮﻝ ﺍﻳﻪ ﺍﺻﻼ ﺩﻟﻮﻗﺘﻲ؟؟
ﻋﻢ ﺳﻌﻴﺪ : ﻫﻴﺎ ﻃﺎﻟﺒﻪ ﺍﻟﻄﻼﻕ ﻭﺍﻧﺖ ﺑﻌﻴﺪ ﻋﻨﻬﺎ ﺍﻫﻮﻩ
ﻭﺳﺎﻳﺒﻬﺎ ﻫﺘﻔﺮﻕ ﻓﻲ ﺍﻳﻪ ﺑﻘﻲ؟
ﺍﻳﻤﻦ: ﻫﻮ ﻛﻞ ﻭﺍﺣﺪ ﺍﻟﺸﻐﻞ ﻳﺎﺧﺪﻩ ﺷﻮﻳﻪ ﻣﺮﺍﺗﻪ ﺗﻄﻠﺐ
ﺍﻟﻄﻼﻕ؟؟؟
ﻋﻢ ﺳﻌﻴﺪ : ﺍﻳﻤﻦ! ﺍﻧﺖ ﻋﺎﺭﻑ ﺍﻥ ﺩﻩ ﻣﺶ ﺍﻟﺴﺒﺐ
ﺍﻟﺮﺋﻴﺴﻲ ﻟﻠﻄﻼﻕ ﻭﺑﻼﺵ ﺑﻘﻲ ﻧﺘﻜﻠﻢ ﻓﻲ ﻣﻮﺍﺿﻴﻊ
ﺗﺠﺮﺡ
ﺍﻳﻤﻦ ﻋﺎﺭﻑ ﺍﻧﻬﺎ ﻣﺶ ﻋﺎﻳﺰﻩ ﺗﻘﻮﻟﻬﺎ ﻓﻲ ﻭﺷﻪ ﺍﻧﻬﺎ
ﻓﻘﺪﺕ ﺍﻳﻤﺎﻧﻬﺎ ﻭﺛﻘﺘﻬﺎ ﻓﻴﻪ ﻭﺍﻥ ﺭﺟﻮﻟﺘﻪ ﺍﺗﻬﺰﺕ ﻗﺪﺍﻣﻬﺎ
ﻋﻢ ﺳﻌﻴﺪ : ﻳﺎ ﺍﺑﻨﻲ ﺍﻧﺖ ﺳﺎﻛﺖ ﻟﻴﻪ؟
ﺍﻳﻤﻦ: ﺣﺎﺿﺮ ﻳﺎ ﻋﻢ ﺳﻌﻴﺪ ﺍﻟﻠﻲ ﻫﻴﺎ ﻋﻴﺰﺍﻩ
ﻫﻨﻔﺬﻫﻮﻟﻬﺎ ... ﻫﺎﻩ ﻣﺒﺴﻮﻁ ﻛﺪﻩ؟
ﻋﻢ ﺳﻌﻴﺪ : ﻫﻮ ﻓﻲ ﺣﺪ ﺑﻴﺘﺒﺴﻂ ﻓﻲ ﺍﻟﻄﻼﻕ؟؟؟
ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﺍﻳﻤﻦ: ﺷﻮﻑ ﻋﺎﻳﺰﻳﻦ ﺗﻌﻤﻠﻮﺍ ﺍﻳﻪ ﻭﺍﻧﺎ ﺗﺤﺖ ﺍﻣﺮﻛﻢ ...
ﺍﻟﻮﻗﺖ ﺍﻟﻠﻲ ﻳﻨﺎﺳﺒﻬﺎ ﻭﻳﻨﺎﺳﺒﻚ ﻫﺎﺕ ﻣﺄﺫﻭﻥ ﻭﻧﺘﻄﻠﻖ
ﺧﻼﺹ؟ ﻓﻲ ﺣﺎﺟﻪ ﺗﺎﻧﻴﻪ؟
ﻋﻢ ﺳﻌﻴﺪ : ﻻ ﻳﺎ ﺍﺑﻨﻲ
ﻋﻢ ﺳﻌﻴﺪ ﻗﺎﻡ ﻣﺸﻲ ﻭﺳﺎﺏ ﺍﻳﻤﻦ ﺍﻟﻠﻲ ﺍﻟﺪﻧﻴﺎ ﻛﻠﻬﺎ
ﺿﺎﻗﺖ ﺑﻴﻪ ...
ﻋﻢ ﺳﻌﻴﺪ ﻣﺎﺷﻲ ﻣﺤﺘﺎﺭ ﻣﺶ ﻋﺎﺭﻑ ﺍﻟﻠﻲ ﻋﻤﻠﻪ ﺩﻩ
ﺻﺢ ﻭﻻ ﻏﻠﻂ؟؟؟ ﻛﻼﻡ ﺑﻨﺘﻪ ﺻﺢ ﻭﺍﺣﺎﺳﻴﺴﻬﺎ ﺻﺢ ﻭﻻ
ﻣﺘﻬﻴﺄﻟﻬﺎ؟؟؟ ﺍﻟﺼﺪﻣﻪ ﻭﺍﻟﻀﻴﺎﻉ ﺍﻟﻠﻲ ﺷﺎﻓﻬﻢ ﻓﻲ ﻋﻨﻴﻦ
ﺍﻳﻤﻦ ﺗﻘﻮﻝ ﻋﻜﺲ ﻛﻼﻡ ﺑﻨﺘﻪ ﺗﻤﺎﻣﺎ؟؟ ﺣﺎﻟﻪ ﺍﻻﺳﺘﺴﻼﻡ
ﺍﻟﻠﻲ ﻫﻮ ﻓﻴﻬﺎ ﺗﻘﻮﻝ ﺍﻧﻪ ﻣﻐﻠﻮﺏ ﻋﻠﻲ ﺍﻣﺮﻩ؟؟ ﻃﻴﺐ
ﻟﻴﻪ؟ ﻟﻴﻪ ﻣﺎﻗﺎﻟﺶ ﻷ؟؟ ﻟﻴﻪ ﻣﺎ ﺍﺗﻤﺴﻜﺶ ﺑﻤﺮﺍﺗﻪ ﻭﺍﺑﻨﻪ
ﺍﻟﻠﻲ ﻟﺴﻪ ﻣﺎ ﺷﺎﻓﺶ ﺍﻟﻨﻮﺭ؟؟؟ ﻟﻴﻪ ﻣﻘﺎﻟﺶ ﺍﻧﻪ ﺑﻴﺤﺒﻬﺎ
ﻭﻋﺎﻳﺰﻫﺎ ﺩﻳﻤﺎ ﺟﻨﺒﻪ؟؟ ﺍﻟﻒ ﻟﻴﻪ ﻭﻟﻴﻪ ﻣﻠﻬﻤﺶ ﺍﻱ
ﺍﺟﺎﺑﻪ
ﺣﺎﺟﻪ ﻭﺍﺣﺪﻩ ﺑﺲ ﻫﻮ ﻣﺘﺄﻛﺪ ﻣﻨﻬﺎ :: ﺍﻥ ﺍﻟﻄﻼﻕ ﺩﻩ
ﻏﻠﻂ ﻭﻏﻠﻂ ﺟﺪﺍ ﻛﻤﺎﻥ ::
ﻋﻢ ﺳﻌﻴﺪ ﺍﻭﻝ ﻣﺎ ﺭﻭﺡ ﺣﺒﻴﺒﻪ ﺟﺮﻳﺖ ﻋﻠﻴﻪ
ﺣﺒﻴﺒﻪ: ﻋﻤﻠﺖ ﺍﻳﻪ ﻭﻗﺎﻟﻚ ﺍﻳﻪ؟
ﻋﻢ ﺳﻌﻴﺪ : ﻭﺍﻓﻖ ﻭﻗﺎﻝ ﺍﻟﻮﻗﺖ ﺍﻟﻠﻲ ﻳﻨﺎﺳﺒﻨﺎ ﻧﺠﻴﺐ
ﺍﻟﻤﺄﺫﻭﻥ ﻭﻫﻴﺠﻲ ﻳﻄﻠﻖ
ﺣﺒﻴﺒﻪ ﺩﻣﻮﻋﻬﺎ ﻧﺰﻟﺖ ﻭﻋﻴﻄﺖ ﺟﺎﻣﺪ ﻓﻲ ﺣﻀﻦ ﺍﺑﻮﻫﺎ
ﺣﺒﻴﺒﻪ: ﻣﺶ ﻗﻮﻟﺘﻠﻚ ﺍﻧﻪ ﻫﻴﻮﺍﻓﻖ ﻭﻣﺶ ﻫﻴﺘﺮﺩﺩ ﺍﺑﺪﺍ
ﻋﻢ ﺳﻌﻴﺪ : ﻳﺎ ﺑﻨﺘﻲ ﺍﻧﺎ ﺣﺎﺳﺲ ﺍﻧﻪ ﺍﺗﺼﺪﻡ ... ﺣﺒﻴﺒﻪ
ﺍﻳﻤﻦ ﺑﻴﺤﺒﻚ
ﺣﺒﻴﺒﻪ: ﻣﻘﺎﻟﻜﺶ ﻷ ﻟﻴﻪ؟ ﻣﻘﺎﻟﻜﺶ ﻫﺎﺟﻲ ﺍﺗﻜﻠﻢ ﻣﻌﺎﻫﺎ
ﻭﺍﺷﻮﻓﻬﺎ ﻋﺎﻳﺰﻩ ﺗﻄﻠﻖ ﻟﻴﻪ ﻟﻴﻪ؟؟ ﻣﻘﺎﻟﻜﺶ ﺑﺤﺒﻬﺎ ﻟﻴﻪ؟
ﻣﻘﺎﻟﺶ ﻭﻻ ﻛﻠﻤﻪ!!! ﺑﺲ ﻗﺎﻟﻚ ﺍﻧﻪ ﻣﻮﺍﻓﻖ ﻋﺎﻳﺰ ﺍﻳﻪ
ﺗﺎﻧﻲ؟ ﻳﻘﻮﻟﻚ ﺑﺮﻛﻪ ﻳﺎ ﺟﺎﻣﻊ ﺍﻧﻬﺎ ﺟﺖ ﻣﻨﻜﻢ؟؟؟
ﺣﺒﻴﺒﻪ ﺣﺒﺴﺖ ﻧﻔﺴﻬﺎ ﻓﻲ ﺍﻭﺿﺘﻬﺎ ﻭﻣﺶ ﻋﺎﻳﺰﻩ ﻭﻻ
ﺗﺸﻮﻑ ﺣﺪ ﻭﻻ ﺗﻜﻠﻢ ﺣﺪ
ﺍﻳﻤﻦ ﻗﺎﻋﺪ ﻣﻜﺎﻧﻪ ﻣﺼﺪﻭﻡ ﻣﺶ ﻋﺎﺭﻑ ﻳﻌﻤﻞ ﺍﻳﻪ ﺍﻭ
ﻣﺶ ﻣﺠﻤﻊ ﺣﺘﻲ ﻭﺭﺍﻩ ﺍﻳﻪ؟؟؟ ﺍﻓﻜﺎﺭﻩ ﻛﻠﻬﺎ ﺛﺎﻳﺮﻩ
ﻭﻣﺘﻠﺨﺒﻄﻪ
ﺩﺧﻞ ﻋﻠﻴﻪ ﺍﺣﻤﺪﻭﺑﻴﻜﻠﻢ ﻓﻴﻪ ﻭﻫﻮ ﻣﺎ ﺑﻴﺮﺩﺵ ﻧﻬﺎﺋﻲ
ﺍﺣﻤﺪ: ﺍﻳﻤﻤﻤﻤﻤﻦ ﻳﺎ ﺍﺑﻨﻲ ﻓﻴﻴﻴﻴﻨﻚ؟؟
ﺍﻳﻤﻦ ﺑﺼﻠﻪ: ﺍﻳﻪ؟
ﺍﺣﻤﺪ: ﺑﻘﺎﻟﻲ ﺳﺎﻋﻪ ﺑﺘﻜﻠﻢ ﻓﻲ ﺍﻳﻪ ﻣﺎﻟﻚ؟ ﺍﻧﺖ ﻓﻴﻦ؟
ﺍﻳﻤﻦ: ﺣﺒﻴﺒﻪ ﻋﺎﻳﺰﻩ ﺗﻄﻠﻖ
ﺍﺣﻤﺪ: ﻧﻌﻢ؟ ﻣﻴﻦ ﻗﺎﻟﻚ ﺍﻟﺘﺨﺎﺭﻳﻒ ﺩﻱ؟؟ ﺩﻱ ﻛﺎﻧﺖ
ﻫﺘﻤﻮﺕ ﻋﻠﻴﻚ ﻭﺍﻧﺘﻮ ﻓﻲ ﺍﻟﻤﺴﺘﺸﻔﻲ .. ﻣﺎ ﺗﺼﺪﻗﺶ
ﺍﻟﺘﺨﺎﺭﻳﻒ ﺩﻱ؟ ﺩﻩ ﺣﺪ ﺑﻴﻮﻗﻊ ﺑﻴﻨﻜﻢ
ﺍﻳﻤﻦ: ﺍﺑﻮﻫﺎ ﺑﻴﻮﻗﻊ ﺑﻴﻨﺎ؟؟؟ ﺍﺑﻮﻫﺎ ﻟﺴﻪ ﻣﺎﺷﻲ ﻭﻫﻮ
ﻗﺎﻟﻲ ﺍﻧﻬﺎ ﻋﺎﻳﺰﻩ ﺗﻄﻠﻖ
ﺍﺣﻤﺪ: ﻭﺍﻧﺖ ﻗﻮﻟﺘﻠﻪ ﺍﻳﻪ؟
ﺍﻳﻤﻦ: ﻗﻮﻟﺘﻠﻪ ﺍﻟﻠﻲ ﻳﺮﻳﺤﻬﺎ
ﺍﺣﻤﺪ: ﻭﺍﻧﺖ ﻣﺎ ﺻﺪﻗﺖ ﻭﻻ ﺍﻳﻪ؟
ﺍﻳﻤﻦ: ﻣﺎ ﺻﺪﻗﺖ ﺍﻳﻪ؟ ﺍﻧﺖ ﺑﺘﺨﺮﻑ؟؟ ﺑﺲ ﻣﺶ
ﻫﺠﺒﺮﻫﺎ ﺗﻌﻴﺶ ﻣﻌﺎﻳﺎ ﻏﺼﺐ ﻋﻨﻬﺎ
ﺍﺣﻤﺪ: ﺍﻧﺖ ﻋﺒﻴﻂ ﻳﺎ ﺍﻳﻤﻦ ﻭﻻ ﺍﻳﻪ؟ ﻫﻮ ﺣﺪ ﻗﺎﻟﻚ
ﺗﺠﺒﺮﻫﺎ؟؟ ﺑﺲ ﺍﻟﺼﺢ ﺍﻧﻚ ﺗﺘﻤﺴﻚ ﺑﻴﻬﺎ ﺷﻮﻳﻪ ...
ﺗﺤﺴﺴﻬﺎ ﺍﻥ ﻟﻬﺎ ﻗﻴﻤﻪ !! ﻋﻠﻲ ﺍﻻﻗﻞ ﺗﺘﻜﻠﻢ ﻣﻌﺎﻫﺎ
ﻭﺗﺸﻮﻓﻬﺎ ﻋﺎﻳﺰﻩ ﺗﻄﻠﻖ ﻟﻴﻪ؟ ﺩﻩ ﺍﺿﻌﻒ ﺍﻻﻳﻤﺎﻥ.. ﻣﺶ
ﻳﻘﻮﻟﻮﻟﻚ ﻃﻠﻘﻬﺎ ﺗﻘﻮﻝ ﺣﺎﺿﺮ ... ﺩﻱ ﻣﻠﻬﺎﺵ ﻏﻴﺮ
ﻣﻌﻨﻲ ﻭﺍﺣﺪ ﺍﻧﻚ ﻣﺎ ﺻﺪﻗﺖ ﻭﻗﻮﻟﺖ ﺍﻟﺤﻤﺪ ﻟﻠﻪ ﺍﻧﻬﺎ ﺟﺖ
ﻣﻨﻬﻢ ﻭﺧﺼﻮﺻﺎ ﻭﺍﻧﺖ ﺭﺍﻣﻴﻬﺎ ﻓﻲ ﺑﻴﺖ ﺍﻫﻠﻬﺎ ﻛﺪﻩ
ﺍﻳﻤﻦ: ﺍﻧﺎ ﻣﺶ ﺭﺍﻣﻴﻬﺎ
ﺍﺣﻤﺪ: ﺍﻣﺎﻝ ﺗﺴﻤﻴﻬﺎ ﺍﻳﻪ؟ ﻭﺍﺣﺪ ﻭﺩﻱ ﻣﺮﺍﺗﻪ ﺑﻴﺖ
ﺍﺑﻮﻫﺎ ﻭﺳﺎﺑﻬﺎ ﻫﻨﺎﻙ ﻳﺒﻘﻲ ﺩﻩ ﺍﻳﻪ؟ ﻣﺶ ﻋﺎﻳﺰﻫﺎ ﻓﻲ
ﺑﻴﺘﻪ ﻭﺧﺼﻮﺻﺎ ﺑﻌﺪ ﺍﻟﻠﻲ ﺣﺼﻠﻬﺎ
ﺍﻳﻤﻦ: ﻗﺼﺪﻙ ﺍﻳﻪ؟
ﺍﺣﻤﺪ: ﻗﺼﺪﻱ ﺍﻧﻬﺎ ﻣﻌﺪﺗﺶ ﻓﻲ ﺍﻟﻤﺴﺘﻮﻱ ﺍﻟﻤﻄﻠﻮﺏ
ﻟﺘﻄﻠﻌﺎﺗﻚ ... ﻣﻌﺪﺗﺶ ﺍﻟﻨﻘﻴﻪ ﺍﻟﻄﺎﻫﺮﻩ ﺍﻟﻠﻲ ﺗﺴﺘﺎﻫﻞ
ﺗﺒﻘﻲ ﻓﻲ ﺑﻴﺘﻚ
ﺍﻳﻤﻦ: ﺍﺳﻜﺖ ﻳﺎ ﺍﺣﻤﺪ ﺍﺳﻜﺖ .... ﺍﻧﺖ ﻣﺶ ﻓﺎﻫﻢ ﺍﻱ
ﺣﺎﺟﻪ
ﺍﺣﻤﺪ: ﻃﻴﺐ ﻳﺎ ﺍﺑﻮ ﺍﻟﻤﻔﻬﻮﻣﻴﻪ ﺍﻧﺖ ﻓﻬﻤﻨﻲ
ﺍﻳﻤﻦ ﺷﺮﺡ ﻻﻳﻤﻦ ﻫﻮ ﺑﻴﻔﻜﺮ ﺍﺯﺍﻱ ﻭﻫﻮ ﺣﺎﺳﺲ ﺑﺎﻳﻪ
ﻭﺍﺣﻤﺪ ﻓﻀﻞ ﻳﻘﻨﻌﻪ ﺑﻮﺟﻬﻪ ﻧﻈﺮﻩ
ﺍﺣﻤﺪ: ﺍﻳﻤﻦ ﺍﻧﺖ ﻻﺯﻡ ﺗﻘﻌﺪ ﺍﻧﺖ ﻭﺣﺒﻴﺒﻪ ﺗﺘﻜﻠﻤﻮﺍ ﻣﻊ
ﺑﻌﺾ ﺗﺴﻤﻌﻬﺎ ﻭﺗﺴﻤﻌﻚ ﻗﺒﻞ ﻣﺎ ﺗﺎﺧﺪ ﺍﻟﺨﻄﻮﻩ ﺩﻱ
ﺍﻳﻤﻦ ﺳﺎﺑﻪ ﻭﻣﺸﻲ ﻭﺭﻭﺡ ﻭﺍﻣﻪ ﺍﻭﻝ ﻣﺎ ﺷﺎﻓﺘﻪ ﺣﺴﺖ
ﺍﻥ ﻓﻲ ﺣﺎﺟﻪ ﻣﺶ ﻣﻈﺒﻮﻃﻪ
ﻓﺎﻃﻤﻪ : ﻓﻲ ﺍﻳﻪ ﻣﺎﻟﻚ؟
ﺍﻳﻤﻦ: ﻣﺎﻟﻴﺶ ﺍﻧﺎ ﺩﺍﺧﻞ ﺍﺭﺗﺎﺡ ﺷﻮﻳﻪ
ﻓﺎﻃﻤﻪ : ﻃﻴﺐ ﻳﺎ ﺍﻳﻤﻦ ﻣﺎ ﺍﻧﺶ ﺍﻻﻭﺍﻥ ﺑﻘﻲ ﺗﺠﻴﺐ
ﻣﺮﺍﺗﻚ ﺗﻨﻮﺭ ﺑﻴﺘﻚ ﺗﺎﻧﻲ؟؟؟
ﺍﻳﻤﻦ: ﻻ ﻣﺎ ﺍﻧﺶ ﺍﻻﻭﺍﻥ
ﻓﺎﻃﻤﻪ : ﻟﻴﻪ ﺑﺲ ﻳﺎ ﺍﺑﻨﻲ؟
ﺍﻳﻤﻦ : ﺍﻣﻲ ﺣﺒﻴﺒﻪ ﻃﺎﻟﺒﻪ ﺍﻟﻄﻼﻕ؟ ﺍﺳﻜﺘﻲ ﺑﻘﻲ
ﺍﻳﻤﻦ ﺳﺎﺑﻬﺎ ﻭﺩﺧﻞ ﺍﻭﺿﺘﻪ ﻭﻫﻴﺎ ﻭﺭﺍﻩ
ﻓﺎﻃﻤﻪ : ﻣﺎﻫﻮ ﻟﻤﺎ ﺗﺮﻣﻴﻬﺎ ﺑﺎﻟﻄﺮﻳﻘﻪ ﺩﻱ ﻻﺯﻡ ﺗﻄﻠﺐ
ﺍﻟﻄﻼﻕ ﺍﻣﺎﻝ ﺍﻧﺖ ﻓﺎﻛﺮ ﺍﻳﻪ؟ ﻫﺘﻴﺠﻲ ﺗﺒﻮﺱ ﺭﺟﻠﻚ
ﻭﺗﻘﻮﻟﻚ ﻭﺍﻟﻨﺒﻲ ﺭﺟﻌﻨﻲ ﺑﻴﺘﻚ؟ ﺍﻧﺖ ﻛﻨﺖ ﻣﺘﺨﻴﻞ ﺍﻳﻪ؟
ﻛﻞ ﻳﻮﻡ ﺗﺴﺄﻟﻨﻲ ﻋﻠﻴﻚ ﻭﺍﻧﺎ ﻛﻞ ﻳﻮﻡ ﺑﻜﺪﺑﻪ ﺟﺪﻳﺪﻩ ﻭﺍﻧﺖ
ﻭﻻ ﺍﻧﺖ ﻫﻨﺎ ﻋﺎﻳﺰ ﺍﻳﻴﻪ ﻭﻣﺴﺘﻨﻲ ﺍﻳﻪ؟
ﺍﻳﻤﻦ: ﺍﺭﺟﻮﻛﻲ ﺍﻧﺎ ﻣﺶ ﻣﺴﺘﺤﻤﻞ ﺍﺭﺟﻮﻛﻲ
ﻓﺎﻃﻤﻪ : ﺍﻧﺖ ﺗﺮﻭﺡ ﺗﺠﻴﺐ ﻣﺮﺍﺗﻚ ﺣﺎﻻ ﺍﻧﺖ ﻓﺎﻫﻢ؟
ﺍﻳﻤﻦ: ﻻ ﻳﺎ ﺍﻣﻲ ﻣﺶ ﻫﺠﻴﺒﻬﺎ
ﻓﺎﻃﻤﻪ : ﻣﺶ ﻫﺘﻘﻌﺪ ﻓﻲ ﺑﻴﺘﻲ ﻏﻴﺮ ﻭﻫﻴﺎ ﻣﻌﺎﻙ؟
ﺍﻳﻤﻦ: ﻧﻌﻢ؟ ﺍﻧﺘﻲ ﺑﺘﻄﺮﺩﻳﻨﻲ؟؟؟
ﻓﺎﻃﻤﻪ : ﺍﻳﻮﻩ ﻟﻤﺎ ﺗﺒﻘﻲ ﻏﺒﻲ ﻭﻣﺘﺨﻠﻒ ﻛﺪﻩ ﻭﺗﻄﻠﻖ
ﻣﺮﺍﺗﻚ ﺍﻡ ﺍﺑﻨﻚ ﺍﻟﻠﻲ ﻟﺴﻪ ﺟﺎﻱ ﺍﻃﺮﺩﻙ ﺍﻳﻮﻩ؟؟
ﺍﻳﻤﻦ: ﺣﺎﺿﺮ ﻳﺎ ﺍﻣﻲ
ﻓﺎﻃﻤﻪ : ﻫﺘﺠﻴﺐ ﻣﺮﺍﺗﻚ؟
ﺍﻳﻤﻦ: ﻻ ﻫﺴﻴﺒﻠﻚ ﺍﻟﺒﻴﺖ
ﺍﻳﻤﻦ ﺳﺎﺑﻠﻬﺎ ﺍﻟﺒﻴﺖ ﻭﻣﺸﻲ ﻭﻫﻴﺎ ﺑﺘﻨﺎﺩﻱ ﻋﻠﻴﻪ ﺑﺲ ﻣﺎ
ﺑﻴﺮﺩﺵ
ﺍﻭﻝ ﻣﺮﻩ ﻳﺨﺮﺝ ﺑﺎﻟﺸﻜﻞ ﺩﻩ ﻣﻦ ﺑﻴﺘﻪ؟ ﺍﻭﻝ ﻣﺮﻩ ﺍﻣﻪ
ﺗﻨﺎﺩﻱ ﻋﻠﻴﻪ ﻭﻣﺎ ﻳﺮﺩﺵ ﻋﻠﻴﻬﺎ؟ ﺍﻭﻝ ﻣﺮﻩ ﻳﺤﺲ
ﺑﺎﻟﻮﺟﻊ ﺍﻟﻠﻲ ﺟﻮﺍﻩ ﺩﻩ؟ ﻣﺶ ﻋﺎﺭﻑ ﻳﻌﻤﻞ ﺍﻳﻪ ﻭﻻ
ﻳﺮﻭﺡ ﻓﻴﻦ؟
ﺍﻻﺫﺍﻥ ﺍﺫﻥ ﻓﺮﺍﺡ ﻋﻠﻲ ﺍﻗﺮﺏ ﺟﺎﻣﻊ ﻭﺻﻠﻲ ﻭﻗﻌﺪ ﻓﻴﻪ
ﺳﻤﻴﻪ ﻓﻲ ﺍﻟﺒﻴﺖ ﻛﻞ ﺷﻮﻳﻪ ﺗﺪﺧﻞ ﻟﺤﺒﻴﺒﻪ ﺗﺤﺎﻭﻝ
ﺗﺨﺮﺟﻬﺎ ﺍﻭ ﺗﺘﻜﻠﻢ ﻣﻌﺎﻫﺎ ﺑﺲ ﺣﺒﻴﺒﻪ ﺭﺍﻓﻀﻪ ﺗﺴﻤﻌﻠﻬﺎ
ﺗﻤﺎﻣﺎ
ﺗﻠﻴﻔﻮﻧﻬﺎ ﺭﻥ ﺑﺮﻗﻢ ﻏﺮﻳﺐ ﻓﺮﺩﺕ
ﺳﻤﻴﻪ: ﺍﻟﺴﻼﻡ ﻋﻠﻴﻜﻢ ﻭﺭﺣﻤﻪ ﺍﻟﻠﻪ ﻭﺑﺮﻛﺎﺗﻪ
#
ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﻪ ﺍﻟﻠﻪ ﻭﺑﺮﻛﺎﺗﻪ
ﺳﻤﻴﻪ: ﺍﻳﻮﻩ ﻣﻴﻦ ﺣﻀﺮﺗﻚ؟؟
#
ﺍﻧﺎ ﺍﺣﻤﺪ ﺯﻣﻴﻞ ﺍﻳﻤﻦ ﺟﻮﺯ ﺍﺧﺖ ﺣﻀﺮﺗﻚ
ﺳﻤﻴﻪ: ﺍﻩ ﺍﻓﻨﺪﻡ؟
ﺍﺣﻤﺪ: ﻳﻨﻔﻊ ﺍﻗﺎﺑﻠﻚ؟؟
ﺳﻤﻴﻪ: ﻧﻌﻢ؟ ﺍﻧﺖ ﺑﺘﻬﺮﺝ ﺣﻀﺮﺗﻚ ﻭﻻ ﺍﻳﻪ؟
ﺍﺣﻤﺪ: ﻻ ﺍﺑﺪﺍ ﺍﻧﺎ ﺑﺲ ﻣﺤﺘﺎﺝ ﺍﺗﻜﻠﻢ ﻣﻊ ﺣﻀﺮﺗﻚ
ﺳﻤﻴﻪ: ﺑﺨﺼﻮﺹ ﺍﻳﻪ ﺍﻥ ﺷﺎﺀﺍﻟﻠﻪ؟
ﺍﺣﻤﺪ: ﺑﺨﺼﻮﺹ ﺍﻳﻤﻦ ﻭﺣﺒﻴﺒﻪ .... ﺍﻧﺎ ﺷﺎﻳﻒ ﺍﻥ
ﻃﻼﻗﻬﻢ ﺩﻩ ﺍﻛﺒﺮ ﻏﻠﻂ ...
ﺳﻤﻴﻪ: ﻗﻮﻝ ﻟﺼﺎﺣﺒﻚ ﺍﻟﻜﻼﻡ ﺩﻩ
ﺍﺣﻤﺪ: ﺍﻳﻤﻦ ﻟﻪ ﻭﺟﻬﻪ ﻧﻈﺮ ﻟﻮ ﺳﻤﻌﺘﻴﻬﺎ ﻫﺘﻌﺬﺭﻳﻪ ...
ﺍﻧﺎ ﻣﺶ ﻋﺎﻳﺰ ﺣﺒﻬﻢ ﺩﻩ ﻳﻨﺘﻬﻲ ﻛﺪﻩ ﺑﺴﺒﺐ ﺳﻮﺀ
ﺗﻔﺎﻫﻢ ... ﻭﻣﺎ ﻳﻨﻔﻌﺶ ﺍﻛﻠﻢ ﺣﺒﻴﺒﻪ ﻧﻔﺴﻬﺎ ﻭﺍﻃﻠﺐ
ﺍﺷﻮﻓﻬﺎ ﻣﻦ ﻭﺭﻱ ﺍﻳﻤﻦ ﻭﻟﻮ ﻗﻠﺘﻠﻪ ﻫﻴﺮﻓﺾ ﻭﻣﺶ
ﻫﻴﺨﻠﻴﻨﻲ ﺍﻛﻠﻤﻬﺎ ﻭﻓﻲ ﻧﻔﺲ ﺍﻟﻮﻗﺖ ﻣﺎ ﻳﻨﻔﻌﺶ
ﺍﺷﻮﻓﻬﻢ ﺑﻴﻬﺪﻭﺍ ﺣﻴﺎﺗﻬﻢ ﻛﺪﻩ ﻭﺍﻧﺎ ﺍﻗﺪﺭ ﺍﻣﻨﻊ ﺩﻩ ﻭﺍﻗﻒ
ﺍﺗﻔﺮﺝ ﻓﻤﻠﻘﺘﺶ ﻗﺪﺍﻣﻲ ﻏﻴﺮﻙ ﺍﻧﺘﻲ .... ﻛﺎﻥ ﻣﻤﻜﻦ
ﺍﻛﻠﻢ ﻋﻢ ﺳﻌﻴﺪ ﺑﺲ ﺣﺒﻴﺒﻪ ﻣﻤﻜﻦ ﻣﺎ ﺗﺴﻤﻌﻠﻮﺵ ﻻﻧﻪ
ﺍﺏ ﻭﻫﻴﺘﻜﻠﻢ ﺑﺼﻴﻐﻪ ﺍﻻﺏ ﻟﻜﻦ ﺍﻧﺘﻲ ﺻﺤﺒﺘﻬﺎ ﻗﺒﻞ ﻣﺎ
ﺗﻜﻮﻧﻲ ﺍﺧﺘﻬﺎ ﻭﺩﻩ ﺍﻧﺎ ﺣﺴﻴﺘﻪ ﻭﺍﻧﺘﻮ ﻓﻲ
ﺍﻟﻤﺴﺘﺸﻔﻲ ... ﻭﺑﺮﺍﺣﺘﻚ ﺍﻧﺘﻲ ﻓﻲ ﺍﻻﺧﺮ
ﺳﻤﻴﻪ ﻣﺶ ﻋﺎﺭﻓﻪ ﺗﻘﻮﻟﻪ ﺍﻳﻪ؟ﻋﻤﺮﻫﺎ ﺍﺑﺪﺍ ﻣﺎ ﺧﺮﺟﺖ
ﺗﻘﺎﺑﻞ ﺷﺎﺏ ﻗﺒﻞ ﻛﺪﻩ؟ ﻭﻋﻤﺮﻫﺎ ﻣﺎ ﻛﺪﺑﺖ ﻗﺒﻞ ﻛﺪﻩ
ﻭﻻ ﺗﻘﻮﻝ ﻻﺑﻮﻫﺎ ﺍﻳﻪ ﻭﻫﻴﺎ ﺧﺎﺭﺟﻪ؟؟ ﻭﻓﻲ ﻧﻔﺲ
ﺍﻟﻮﻗﺖ ﻣﺎ ﻳﻨﻔﻌﺶ ﻓﻌﻼ ﻣﺎ ﺗﻌﻤﻠﺶ ﺣﺎﺟﻪ؟
ﺍﺣﻤﺪ: ﺣﻀﺮﺗﻚ ﻟﺴﻪ ﻣﻮﺟﻮﺩﻩ؟؟
ﺳﻤﻴﻪ: ﺍﻳﻮﻩ ﻣﻮﺟﻮﺩﻩ ﺑﺲ ﻣﺶ ﻋﺎﺭﻓﻪ ﺍﻗﻮﻝ ﻟﺤﻀﺮﺗﻚ
ﺍﻳﻪ؟
ﺍﺣﻤﺪ: ﺧﺪﻱ ﻭﻗﺘﻚ ﻭﻗﺮﺭﻱ ... ﺍﻧﺎ ﻫﺴﺘﻨﺎﻛﻲ ﺑﻜﺮﻩ ﻓﻲ
ﺍﻟﻜﺎﻓﻴﻪ ﺍﻟﻠﻲ ﻗﺼﺎﺩ ﺍﻟﺸﺎﺭﻉ ﺍﻟﻠﻲ ﻓﻴﻪ ﺷﻐﻠﻚ ﺣﻀﺮﺗﻚ
ﺑﺘﺮﻭﺣﻲ ﺍﻟﺴﺎﻋﻪ 9 ﻭﺑﺘﺨﻠﺼﻲ ﺍﻟﺴﺎﻋﻪ ....2 ﺍﻟﺴﺎﻋﻪ
2
ﺍﻥ ﺷﺎﺀﺍﻟﻠﻪ ﻫﻜﻮﻥ ﻓﻲ ﺍﻟﻜﺎﻓﻴﻪ ﻭﺣﻀﺮﺗﻚ ﺑﺮﺍﺣﺘﻚ
ﺗﻴﺠﻲ ﺍﻭ ﻷ؟ ﺳﻼﻡ ﻋﻠﻴﻜﻢ
ﺳﻤﻴﻪ ﻃﻮﻝ ﺍﻟﻠﻴﻞ ﻫﺘﺘﺠﻨﻦ ﺗﺮﻭﺡ ﻭﻻ ﻷ؟ ﻗﺎﻣﺖ
ﺗﺸﺮﺏ ﻭﻋﺪﺕ ﻣﻦ ﻗﺪﺍﻡ ﺍﻭﺿﻪ ﺣﺒﻴﺒﻪ ﺳﻤﻌﺘﻬﺎ ﺑﺘﻌﻴﻂ
ﻓﺪﺧﻠﺘﻠﻬﺎ
ﺳﻤﻴﻪ: ﻭﺑﻌﺪﻳﻦ ﻣﻌﺎﻛﻲ ﻃﻴﺐ ﺧﺎﻓﻲ ﻋﻠﻲ ﺍﻟﻠﻲ ﻓﻲ
ﺑﻄﻨﻚ ﻣﺶ ﻛﺪﻩ ﻳﺎ ﺣﺒﻴﺒﻪ؟
ﺣﺒﻴﺒﻪ ﺑﻌﻴﺎﻁ ﺷﺪﻳﺪ: ﺍﻳﻤﻦ ﺣﺒﻴﺒﻲ ﻫﻴﻄﻠﻘﻨﻲ ﻳﺎ ﺳﻤﻴﻪ
ﻫﻴﻄﻠﻘﻨﻲ ....
ﺳﻤﻴﻪ: ﺍﻧﺘﻲ ﺍﻟﻠﻲ ﻃﻠﺒﺘﻲ ﻣﻨﻪ ﺍﻟﻄﻼﻕ
ﺣﺒﻴﺒﻪ: ﻛﻨﺖ ﻣﺘﺨﻴﻠﻪ ﺍﻧﻪ ﻫﻴﻘﻮﻝ ﻷ!!! ﻫﻴﺠﻲ ﻭﻳﻘﻮﻟﻲ
ﻳﺎﻻ ﺑﻴﺘﻨﺎ!!! ﻫﻴﻘﻮﻟﻲ ﺣﺘﻲ ﻋﻠﺸﺎﻥ ﺧﺎﻃﺮ ﺍﻟﻠﻲ ﻓﻲ
ﺑﻄﻨﻲ ... ﻫﻴﻘﻮﻝ ﺍﻱ ﺣﺎﺟﻪ ﻏﻴﺮ ﺍﻧﻪ ﻳﻮﺍﻓﻖ ....
ﻣﺘﺨﻴﻠﺘﺶ ﺍﺑﺪﺍ ﺍﻧﻪ ﻳﻮﺍﻓﻖ ﺍﺑﺪﺍ ﻳﺎ ﺳﻤﻴﻪ
ﻓﻀﻠﺖ ﺗﻌﻴﻂ ﻋﻠﻲ ﺣﺠﺮ ﺍﺧﺘﻬﺎ ﻟﺤﺪ ﻣﺎ ﻧﺎﻣﺖ ﻭﻫﻨﺎ
ﺳﻤﻴﻪ ﺍﺧﺪﺕ ﻗﺮﺍﺭ ﺍﻥ ﻟﻮ ﻓﻲ ﺍﻳﺪﻫﺎ ﺍﻱ ﺣﺎﺟﻪ ﺗﻌﻤﻠﻬﺎ
ﻣﺶ ﻫﺘﺘﺄﺧﺮ ﺍﺑﺪﺍ ﺍﺑﺪﺍ
ﺍﻳﻤﻦ ﺭﺍﺡ ﻋﻨﺪ ﺍﺣﻤﺪ ﻳﺒﺎﺕ ﻋﻨﺪﻩ ﻭﺍﻭﻝ ﻣﺎ ﺩﺧﻞ
ﺍﻳﻤﻦ: ﻛﻠﻤﻪ ﻭﺍﺣﺪﻩ ﻣﻨﻚ ﻫﻤﺸﻲ ﺧﻼﺹ؟
ﺍﺣﻤﺪ: ﻫﻮ ﺍﻧﺎ ﻓﺘﺤﺖ ﺑﻮﻗﻲ ﺍﺻﻼ ... ﺑﺲ ﺍﻧﺖ ﺟﺎﻱ ﻟﻴﻪ
ﺩﻟﻮﻗﺘﻲ؟
ﺍﻳﻤﻦ: ﺍﻣﻲ ﻃﺮﺩﺗﻨﻲ ﺧﻼﺹ ﺍﺭﺗﺤﺖ
ﺍﺣﻤﺪ: ﺍﻧﺖ ﻋﺎﻳﺰ ﺗﻀﺮﺏ ﻋﻠﻲ ﺩﻣﺎﻏﻚ ﻳﻤﻜﻦ ﺗﻔﻮﻕ ﻣﺶ
ﺗﻄﺮﺩ
ﺍﻳﻤﻦ: ﺍﻧﺎ ﻏﻠﻄﺎﻥ ﺍﻧﻲ ﺟﻴﺘﻠﻚ ﺳﻼﻡ
ﺍﺣﻤﺪ: ﺧﻼﺹ ﺧﻼﺹ ﺍﺩﺧﻞ ﺭﻳﺢ ﺟﻮﻩ ﺍﺩﺧﻞ ﻣﺶ ﻫﺘﻜﻠﻢ
ﻧﻬﺎﺋﻲ ﺍﻫﻮﻩ
ﻋﻤﻞ ﺣﺮﻛﻪ ﺍﻧﻪ ﻗﻔﻞ ﺑﻮﻗﻪ ﺗﻤﺎﻣﺎ
 
ﻣﻴﻦ ﻳﺎ ﺍﺣﻤﺪ؟
ﺍﺣﻤﺪ: ﺩﻩ ﺍﻳﻤﻦ ﻳﺎ ﺑﺎﺑﺎ
ﺍﺑﻮ ﺍﺣﻤﺪ : ﻳﺎ ﺍﻫﻼ ﺑﻴﻚ ﻳﺎ ﺍﺑﻨﻲ ﺍﺗﻔﻀﻞ ﻋﺎﺵ ﻣﻦ
ﺷﺎﻓﻚ ... ﺣﻤﺪﻟﻠﻪ ﻋﻠﻲ ﺳﻼﻣﻪ ﻣﺮﺍﺗﻚ ﻭﺍﻟﻠﻪ ﻛﻨﺖ
ﺑﺪﻋﻴﻠﻬﺎ ﻓﻲ ﻛﻞ ﺻﻼﻩ ﺗﺮﺟﻌﻠﻚ ﻳﺎﻻ ﺍﻟﺤﻤﺪ ﻟﻠﻪ
ﺍﻳﻤﻦ: ﺗﺴﻠﻢ ﻳﺎ ﻋﻤﻲ ﺭﺑﻨﺎ ﻳﺨﻠﻴﻚ
ﺍﺑﻮ ﺍﺣﻤﺪ : ﺍﺣﻀﺮﻟﻜﻢ ﻋﺸﺎ ﺧﻔﻴﻒ ﻛﺪﻩ
ﺍﺣﻤﺪ: ﻳﺎ ﺳﻼﻡ ﺗﺒﻘﻲ ﺭﺍﺟﻞ ﻣﻴﻪ ﻣﻴﻪ
ﺍﻳﻤﻦ: ﻻ ﻳﺎ ﻋﻤﻲ ﺗﺴﻠﻢ
ﺍﺣﻤﺪ: ﺳﻴﺒﻚ ﻣﻦ ﺍﻟﺮﺍﺟﻞ ﺩﻩ ﺩﻩ ﻓﻘﺮﻱ ... ﻛﺎﻡ
ﺳﺎﻧﺪﻭﺗﺶ ﻛﺪﻩ ﻣﻦ ﺍﻳﺪﻳﻚ ﺍﻟﻠﻲ ﺗﻠﻔﻒ ﺣﺮﻳﺮ ﺩﻱ
ﺑﺎﺱ ﺍﻳﺪ ﺍﺑﻮﻩ
ﺍﺑﻮ ﺍﺣﻤﺪ : ﻣﺎﺷﻲ ﻳﺎ ﺑﻜﺎﺵ ﺑﺲ ﻋﻠﺸﺎﻥ ﺻﺎﺣﺒﻚ ﺍﻟﻠﻲ
ﺟﺎﻱ ﻭﺷﺎﻳﻞ ﺍﻟﺪﻧﻴﺎ ﻓﻮﻕ ﺭﺍﺳﻪ .... ﺍﻳﻤﻦ ﻫﻮﻧﻬﺎ ﺗﻬﻮﻥ
ﺍﻳﻤﻦ: ﺍﻥ ﺷﺎﺀﺍﻟﻠﻪ ﻳﺎ ﻋﻤﻲ ﺍﻥ ﺷﺎﺀﺍﻟﻠﻪ
ﺍﺑﻮﻩ ﺩﺧﻞ ﻭﺳﺎﺑﻬﻢ
ﺍﻳﻤﻦ: ﻧﻔﺴﻲ ﺍﻋﺮﻑ ﺍﻧﺖ ﻣﺶ ﺫﻭﻕ ﻛﺪﻩ ﺯﻱ ﺍﺑﻮﻙ
ﻟﻴﻚ؟
ﺍﺣﻤﺪ: ﻭﺍﻧﺖ ﻣﺶ ﻧﺎﺻﺢ ﺯﻱ ﺍﻣﻚ ﻟﻴﻪ؟
ﺍﻳﻤﻦ: ﺍﻣﻚ؟؟؟ ﻓﻲ ﺣﺪ ﻳﻘﻮﻝ ﺍﻣﻚ؟؟
ﺍﺣﻤﺪ: ﺯﻱ ﺍﺑﻮﻙ ﺩﻱ ﺯﻱ ﺩﻱ ﻭﻻ ﺍﻳﻪ؟
ﻋﺪﺕ ﺍﻟﻠﻴﻠﻪ ﻭﺍﺣﻤﺪ ﻓﻌﻼ ﻣﺎ ﺍﺗﻜﻠﻤﺶ ﻣﻊ ﺍﻳﻤﻦ ﺧﺎﻟﺺ
ﺍﺣﻤﺪ: ﺑﻘﻮﻟﻚ
ﺍﻳﻤﻦ: ﻗﻮﻝ
ﺍﺣﻤﺪ: ﻣﺎﻣﺘﻚ ﻛﻠﻤﺘﻨﻲ ﻣﻦ ﺷﻮﻳﻪ ﻭﻗﻮﻟﺘﻠﻬﺎ ﺍﻧﻚ ﻋﻨﺪﻱ
ﺧﻼﺹ؟
ﺍﻳﻤﻦ: ﻃﻴﺐ ﻛﻮﻳﺲ ... ﺍﻟﺼﺒﺢ ﺍﻥ ﺷﺎﺀﺍﻟﻠﻪ ﻫﺒﻘﻲ ﺍﺭﻭﺡ
ﺍﺻﺎﻟﺤﻬﺎ
ﺍﺣﻤﺪ: ﻣﺶ ﻫﺘﺼﺎﻟﺤﻚ ﻏﻴﺮ ﻟﻤﺎ ﺗﺮﻭﺡ ﺗﺮﺟﻊ ﻣﺮﺍﺗﻚ
ﻫﺘﺮﻭﺣﻠﻬﺎ؟
ﺍﻳﻤﻦ: ﺗﺼﺒﺢ ﻋﻠﻲ ﺧﻴﺮ ﻳﺎ ﺍﺣﻤﺪ
ﺑﻌﺪ ﺷﻮﻳﻪ ﻛﺘﻴﺮ
ﺍﺣﻤﺪ: ﺍﻳﻤﻦ ﺍﻧﺖ ﻧﻤﺖ؟
ﺍﻳﻤﻦ: ﻫﻮ ﻓﻲ ﺣﺪ ﻳﺒﻘﻲ ﻣﻊ ﺷﻜﻠﻚ ﺩﻩ ﻭﻳﻨﺎﻡ؟؟ ﻋﻤﺎﻝ
ﺗﺘﻘﻠﺐ ﻳﻤﻴﻦ ﺷﻤﺎﻝ ﻟﻤﺎ ﻃﻬﻘﺘﻨﻲ
ﺍﺣﻤﺪ: ﻫﻴﺎ ﺣﺒﻴﺒﻪ ﻣﻜﻨﺘﺶ ﺑﺘﺘﻘﻠﺐ ﻓﻮﻗﻚ ﻭﻻ ﺍﻳﻪ؟
ﺍﻳﻤﻦ ﻣﺎ ﺭﺩﺵ ﺑﺲ ﺍﻓﺘﻜﺮ ﺣﺒﻴﺒﻪ ﻭﻧﻮﻣﻬﺎ ﻓﻲ ﺣﻀﻨﻪ
####### #######-----###
ﺍﻳﻤﻦ: ﻧﺎﻣﻲ ﺑﻘﻲ
ﺣﺒﻴﺒﻪ: ﻣﺶ ﻣﺮﺗﺎﺣﻪ
ﺍﻳﻤﻦ: ﻟﻴﻪ؟
ﺣﺒﻴﺒﻪ :ﺷﻌﺮﻱ ﻣﻀﺎﻳﻘﻨﻲ ﻭﺍﻧﺖ ﻣﺼﺮ ﺗﺨﻠﻴﻪ ﻣﻔﺮﻭﺩ
ﺍﻳﻤﻦ: ﻃﻴﺐ ﺍﻓﺮﺩﻳﻪ ﻋﻠﻲ ﺍﻟﻤﺨﺪﻩ
ﺣﺒﻴﺒﻪ: ﻟﻴﻪ ﺑﻘﻲ ﻭﺍﻧﺖ ﻫﺘﻨﺎﻡ ﺍﺯﺍﻱ؟
ﺍﻳﻤﻦ: ﻫﻨﺎﻡ ﻓﻮﻗﻪ؟؟
ﺣﺒﻴﺒﻪ: ﻫﻴﻀﺎﻳﻘﻚ
ﺍﻳﻤﻦ: ﻳﻀﺎﻳﻘﻨﻲ ﺍﻧﻲ ﺍﻧﺎﻡ ﻋﻠﻲ ﺣﺮﻳﺮ ( ﺍﺧﺪ ﻧﻔﺲ
ﻃﻮﻳﻞ) ﻭﺑﺮﻳﺤﺘﻪ ﺩﻱ ﺍﻟﻠﻲ ﺑﻘﺖ ﺍﺩﻣﺎﻥ
ﺣﺒﻴﺒﻪ ﺿﺤﻜﺖ ﻭﻓﺮﺩﺕ ﺷﻌﺮﻫﺎ ﻓﻌﻼ ﻋﻠﻲ ﺍﻟﻤﺨﺪﻩ
ﻭﺍﻳﻤﻦ ﻧﺎﻡ ﻓﻮﻗﻪ ﻭﺑﺎﺻﻴﻦ ﻟﺒﻌﺾ
ﺣﺒﻴﺒﻪ: ﻫﻮ ﺍﺣﻨﺎ ﻣﻤﻜﻦ ﻧﻨﺎﻡ ﻭﺍﺣﻨﺎ ﺑﺎﺻﻴﻦ ﻟﺒﻌﺾ ﻛﺪﻩ؟
ﺍﻳﻤﻦ: ﺍﻧﺘﻲ ﻋﺎﻳﺰﻩ ﺗﻨﺎﻣﻲ؟
ﺣﺒﻴﺒﻪ: ﺍﻧﺎ ﻋﺎﻳﺰﻩ ﺍﺷﺒﻊ ﻣﻨﻚ
ﺍﻳﻤﻦ: ﻟﻮ ﻋﺮﻓﺘﻲ ﺍﻟﺤﻘﻴﻨﻲ ﺑﺎﻟﻄﺮﻳﻘﻪ ﻻﺣﺴﻦ ﺍﻧﺎ ﺩﻳﻤﺎ
ﺟﻌﺎﻥ .... ﻭﻋﻠﻲ ﺭﺃﻱ ﺍﻟﺸﺎﻋﺮ
ﻧﻌﻢ ﺍﻧﺎ ﻣﺸﺘﺎﻕ ﻭﻋﻨﺪﻱ ﻟﻮﻋﺔ
ﻭﻟﻜﻦ ﻣﺜﻠﻲ ﻻ ﻳﺬﺍﻉ ﻟﻪ ﺳﺮ
ﺍﺫﺍ ﺍﻟﻠﻴﻞ ﺍﺿﻮﺍﻧﻲ ﺑﺴﻄﺖ ﻳﺪ ﺍﻟﻬﻮﻯ
ﻭﺍﺫﻟﻠﺖ ﺩﻣﻌﺎ ﻣﻦ ﺧﻼﺋﻘﻪ ﺍﻟﻜﺒﺮ
ﺗﻜﺎﺩ ﺗﻀﻲﺀ ﺍﻟﻨﺎﺭ ﺑﻴﻦ ﺟﻮﺍﻧﻴﺤﻲ
ﺍﺫﺍ ﻫﻲ ﺍﺫﻛﺘﻬﺎ ﺻﺒﺎﺑﺎﺕ ﻭﺍﻟﻔﻜﺮ
ﺣﺒﻴﺒﻪ: ﻣﻜﻨﺘﺶ ﺍﻋﺮﻑ ﺍﻧﻚ ﻣﻦ ﻫﻮﺍﻩ ﺍﻻﺷﻌﺎﺭ ﻗﻮﻝ
ﺗﺎﻧﻲ
ﺍﻳﻤﻦ: ﻓﻲ ﺍﺧﺮ ﺍﻟﻘﺼﻴﺪﻩ ﺑﻴﻘﻮﻟﻬﺎ
ﺍﺫﺍ ﻣﺖ ﺿﻤﺄﻧﺎ ﻓﻼ ﻧﺰﻝ ﺍﻟﻘﻄﺮ
ﺣﺒﻴﺒﻪ: ﻭﺍﻳﻪ ﻫﻮ ﺍﻟﻘﻄﺮ ﺍﻟﻠﻲ ﻫﻴﺮﻭﻳﻪ؟؟
ﺍﻳﻤﻦ: ﻗﺮﺑﻪ ﻣﻦ ﺣﺒﻴﺒﺘﻪ ... (ﻣﺴﻚ ﺍﻳﺪﻫﺎ ﻭﺑﺎﺳﻬﺎ ) ﺍﻭ
ﺩﻩ (ﺑﺎﺳﻬﺎ ﻓﻲ ﺧﺪﻫﺎ ﺑﺮﻗﻪ ) ﺍﻭ ﺩﻩ ( ﺑﺎﺳﻬﺎ ﻓﻲ
ﺷﻔﺎﻳﻔﻬﺎ) ﺍﻭ ﺩﻩ
ﺣﺒﻴﺒﻪ: ﻭﺍﻳﻪ ﻛﻤﺎﻥ؟
ﺍﻳﻤﻦ ﻗﺎﻟﻬﺎ ﺍﻳﻪ ﻛﻤﺎﻥ ﺑﺲ ﻣﺶ ﺑﺎﻟﻜﻼﻡ ﺑﻄﺮﻳﻘﻪ ﺍﻟﻌﺸﺎﻕ
_______######-#
##_______#########__
ﺍﺣﻤﺪ: ﺍﻧﺖ ﻧﻤﺖ ﻭﻻ ﺍﻳﻪ؟
ﺍﻳﻤﻦ: ﻋﺎﻳﺰ ﺍﻳﻪ ﻳﺎ ﺍﺣﻤﺪ ﻣﺎ ﺗﺴﻴﺒﻨﻲ ﺑﻘﻲ
ﺍﺣﻤﺪ: ﺑﻘﻮﻟﻚ ﺍﻳﻪ ﺭﺃﻳﻚ؟؟
ﺍﻳﻤﻦ: ﺭﺃﻳﻲ ﻓﻲ ﺍﻳﻪ؟
ﺍﺣﻤﺪ: ﻧﺠﻮﺯ ﺍﺑﻮﻳﺎ ﻻﻣﻚ ﻭﺍﻫﻮ ﻛﻠﻪ ﺑﺜﻮﺍﺑﻪ
ﺍﻳﻤﻦ ﻗﺎﻡ ﺍﺗﻌﺪﻝ ﻭﺑﺺ ﻻﺣﻤﺪ ﻭﻓﺠﺄﻩ ﻣﺴﻚ ﺍﻟﻤﺨﺪﻩ
ﻭﺧﺒﻄﻪ ﻓﻲ ﻭﺷﻪ
ﺍﻳﻤﻦ: ﺍﺗﺨﻤﺪ ﺑﻘﻲ ﺍﺗﺨﻤﺪ ﻭﺑﻄﻞ ﻫﺒﻞ ﺍﺗﺨﻤﺪ
ﻃﻠﻊ ﺍﻟﻨﻬﺎﺭ ﻭﺍﻳﻤﻦ ﻣﺸﻲ ﻭﺍﺣﻤﺪ ﻧﺰﻝ ﺷﻐﻠﻪ ﻭﻫﻮ
ﻣﺘﻮﺗﺮ ﻭﻣﺶ ﻋﺎﺭﻑ ﺳﻤﻴﻪ ﻫﺘﻴﺠﻲ ﻭﻻ ﻫﺘﻄﻨﺶ
ﺳﻤﻴﻪ ﺭﺍﻳﺤﻪ ﺷﻐﻠﻬﺎ ﻭﻫﻴﺎ ﻣﺎﺷﻴﻪ
ﺳﻤﻴﻪ: ﻣﺎﻣﺎ ﺍﻧﺎ ﻫﺘﺄﺧﺮ ﺷﻮﻳﻪ ﺍﻟﻨﻬﺎﺭﺩﻩ ﻣﺎﺷﻲ ﻭﺭﺍﻳﺎ
ﻣﺸﻮﺍﺭ ﻛﺪﻩ
ﺯﻳﻨﺐ: ﻣﺎﺷﻲ ﻳﺎ ﺣﺒﻴﺒﺘﻲ ﺑﺲ ﻣﺎ ﺗﺘﺄﺧﺮﻳﺶ ﻗﻮﻱ
ﺳﻤﻴﻪ: ﺳﺎﻋﻪ ﺑﺎﻟﻜﺘﻴﺮ ﺳﻼﻡ
ﺧﺮﺟﺖ ﺑﺮﻩ ﻭﺭﺟﻌﺖ ﺗﺎﻧﻲ ﻻﻣﻬﺎ
ﺯﻳﻨﺐ: ﻧﺴﻴﺘﻲ ﺍﻳﻪ ﻳﺎ ﺣﺒﻴﺒﺘﻲ؟؟
ﺳﻤﻴﻪ: ﻣﺎ ﻧﺴﻴﺘﺶ
ﺯﻳﻨﺐ: ﺍﻣﺎﻝ ﻓﻲ ﺍﻳﻪ؟
ﺳﻤﻴﻪ: ﺍﻧﺎ ﻫﺘﺄﺧﺮ ﻻﻧﻲ ﻫﻘﺎﺑﻞ ﺍﺣﻤﺪ ﺯﻣﻴﻞ ﺍﻳﻤﻦ
ﺯﻳﻨﺐ: ﺍﻳﻪ؟ ﺗﻘﺎﺑﻠﻴﻪ ﻟﻴﻪ؟
ﺣﻜﺘﻠﻬﺎ ﺳﻤﻴﻪ ﻛﻞ ﺍﻟﻠﻲ ﺩﺍﺭ ﺑﻴﻨﻬﻢ
ﺳﻤﻴﻪ: ﺩﻩ ﻛﻞ ﺍﻟﻠﻲ ﺣﺼﻞ ﺍﻳﻪ ﺭﺍﻳﻚ؟ ﺍﻗﺎﺑﻠﻪ ﻭﻻ ﻷ؟
ﺯﻳﻨﺐ: ﻭﺍﻟﻠﻪ ﻣﺎ ﻋﺎﺭﻓﻪ ﻳﺎ ﺑﻨﺘﻲ ... ﻗﺎﺑﻠﻴﻪ ﻳﻤﻜﻦ ﺭﺑﻨﺎ
ﻳﻜﻮﻥ ﻛﺎﺗﺐ ﺧﻴﺮ ... ﺍﻧﺘﻲ ﺗﻌﺮﻓﻲ ﺗﺤﺎﻓﻈﻲ ﻋﻠﻲ ﻧﻔﺴﻚ
ﻛﻮﻳﺲ ﻭﺗﻌﺮﻓﻲ ﺗﻠﺰﻣﻲ ﺍﻟﻠﻲ ﻗﺪﺍﻣﻚ ﻳﻌﺎﻣﻠﻚ ﺑﺎﺣﺘﺮﺍﻡ
ﻭﺍﺩﺏ
ﺭﻭﺣﻲ ﻗﺎﺑﻠﻴﻪ ﻭﺍﺳﻤﻌﻴﻪ ﻭﺣﺎﻓﻈﻲ ﻋﻠﻲ ﺍﺩﺑﻚ
ﻭﺍﺣﺘﺮﺍﻣﻚ ﺳﺎﻣﻌﺎﻧﻲ؟
ﺳﻤﻴﻪ: ﺳﻤﻌﺎﻛﻲ ﺑﺲ ﻣﺎ ﺗﺠﻴﺒﻴﺶ ﺳﻴﺮﻩ ﻟﺤﺒﻴﺒﻪ ﻟﺤﺪ
ﻣﺎ ﺍﺳﻤﻌﻪ ﻭﺍﺟﻲ ﻣﺎﺷﻲ؟
ﺯﻳﻨﺐ: ﺍﺗﻮﻛﻠﻲ ﻋﻠﻲ ﺍﻟﻠﻲ ﺧﻠﻘﻚ
ﺍﻟﺴﺎﻋﻪ 2 ﺍﺣﻤﺪ ﻛﺎﻥ ﻓﻲ ﺍﻟﻜﺎﻓﻴﻪ ﻭﻣﺴﺘﻨﻲ ﻭﺳﻤﻴﻪ
ﺟﺎﺕ ﻭﻗﺎﺑﻠﺘﻪ
ﺍﺣﻤﺪ: ﺍﻫﻼ ﺍﻫﻼ ﺍﺯﻳﻚ ﻋﺎﻣﻠﻪ ﺍﻳﻪ؟
ﺳﻤﻴﻪ: ﺍﻟﺤﻤﺪﻟﻠﻪ ﺍﺗﻜﻠﻢ ﻋﻨﺪﻙ ﺍﻳﻪ ﺗﻘﻮﻟﻪ؟؟
ﺍﺣﻤﺪ: ﻃﻴﺐ ﻧﺸﺮﺏ ﺣﺎﺟﻪ ﺍﻻﻭﻝ
ﺳﻤﻴﻪ: ﻣﻘﺪﻡ ﺍﺣﻤﺪ ﺍﻧﺎ ﻣﺶ ﺟﺎﻳﻪ ﺍﺷﺮﺏ ﻭﻟﻮﻻ ﺍﻟﺤﺎﻟﻪ
ﺍﻟﻠﻲ ﺳﺎﻳﺒﻪ ﺣﺒﻴﺒﻪ ﻓﻴﻬﺎ ﻣﻜﻨﺘﺶ ﺟﻴﺖ ﻭﻻ ﻭﺍﻓﻘﺖ
ﺍﻗﺎﺑﻠﻚ ﻓﺎﺗﻔﻀﻞ ﺍﺗﻜﻠﻢ
ﺍﺣﻤﺪ: ﻭﻟﻮﻻ ﺑﺮﺿﻪ ﺍﻟﺤﺎﻟﻪ ﺍﻟﻠﻲ ﺷﺎﻳﻒ ﺍﻳﻤﻦ ﻓﻴﻬﺎ
ﻣﻜﻨﺘﺶ ﺑﺮﺿﻪ ﻛﻠﻤﺘﻚ ... ﺑﺲ ﺩﻩ ﻣﺎ ﻳﻤﻨﻌﺶ ﺍﻥ ﺍﻟﺠﻮ
ﺣﺮ ﻭﻋﻄﺸﺎﻥ
ﺳﻤﻴﻪ: ﻃﻴﺐ ﺍﺗﻔﻀﻞ ﺍﻃﻠﺐ ﻟﺤﻀﺮﺗﻚ ﻭﺍﺗﻜﻠﻢ
ﺍﺣﻤﺪ ﻃﻠﺐ ﺍﻟﺠﺮﺳﻮﻥ ﻭﻃﻠﺐ ﺍﺗﻨﻴﻦ ﻟﻴﻤﻮﻥ
ﺍﺣﻤﺪ: ﺣﺒﻴﺒﻪ ﻃﻠﺒﺖ ﺍﻟﻄﻼﻕ ﻟﻴﻪ؟
ﺳﻤﻴﻪ: ﺻﺤﺒﻚ ﻭﺍﻓﻖ ﻟﻴﻪ؟
ﺍﺣﻤﺪ: ﺍﻩ ﺑﺼﻲ ﺍﺣﻨﺎ ﻣﺶ ﻫﻨﺘﺨﺎﻧﻖ ﺍﺣﻨﺎ ﻫﻨﺘﻨﺎﻗﺶ ﻟﺤﺪ
ﻣﺎ ﻧﻮﺻﻞ ﻟﺤﺎﺟﻪ ﺗﻨﻔﻌﻬﻢ ﻓﻤﺎ ﺗﺪﺧﻠﻴﺶ ﻣﻌﺎﻳﺎ ﻓﻲ
ﻣﻨﺎﻇﺮﻩ ... ﺍﺧﺘﻚ ﻃﻠﺒﺖ ﺍﻟﻄﻼﻕ ﻟﻴﻪ؟ ﺑﻄﻠﺖ ﺗﺤﺐ
ﺍﻳﻤﻦ؟ ﺍﻭ ﺭﺟﻮﻟﺘﻪ ﺍﺗﻬﺰﺕ ﻓﻲ ﻋﻨﻴﻬﺎ؟ ﻭﻻ ﻓﻘﺪﺕ ﺍﻟﺜﻘﻪ
ﻓﻴﻪ؟
ﺳﻤﻴﻪ: ﻻ ﻃﺒﻌﺎ ﺣﺒﻴﺒﻪ ﺑﺘﻌﺸﻖ ﺍﻳﻤﻦ ﺑﺲ ﻫﻮ ﺍﻟﻠﻲ
ﺳﺎﻳﺒﻬﺎ ﻭﻣﺎ ﺑﻴﺴﺄﻟﺶ ﻋﻨﻬﺎ ... ﻭﻋﻠﻲ ﻳﺪﻙ ﺷﻮﻓﺖ
ﻓﻀﻠﺖ ﻗﺪ ﺍﻳﻪ ﻓﻲ ﺍﻟﻤﺴﺘﺸﻔﻲ ﻭﻫﻮ ﻣﺎ ﺩﺧﻠﺶ ﻋﻨﺪﻫﺎ
ﻭﻻ ﻣﺮﻩ !!!! ﺍﻧﺎ ﺗﺨﻴﻠﺖ ﺍﻧﻪ ﻣﺶ ﻫﻴﺨﻠﻴﻬﺎ ﺗﻔﺎﺭﻕ ﺣﻀﻨﻪ
ﺍﺑﺪﺍ ﻣﺶ ﻳﺮﻣﻴﻬﺎ ﻛﺪﻩ؟ ﻭﺑﻌﺪﻳﻦ ﺟﺎﺑﻬﺎ ﺍﻟﺒﻴﺖ ﺍﻫﻮ ﻣﻦ
ﺷﻬﺮ ﻭﻻ ﺣﺘﻲ ﺍﺗﺼﻞ ﺑﻴﻬﺎ ﻣﺮﻩ ﻋﺎﻳﺰﻫﺎ ﺗﻌﻤﻞ ﺍﻳﻪ؟
ﺍﺣﻤﺪ: ﺩﻩ ﻧﻔﺲ ﺍﻟﻠﻲ ﻗﻮﻟﺘﻪ ﻻﻳﻤﻦ
ﺳﻤﻴﻪ: ﻭﻗﺎﻟﻚ ﺍﻳﻪ؟
ﺍﺣﻤﺪ: ﻗﺎﻟﻲ ﺑﻄﻞ ﻫﺒﻞ
ﺳﻤﻴﻪ: ﻫﻮ ﺍﻳﻪ ﻋﺬﺭﻩ؟؟؟
ﺍﺣﻤﺪ: ﺷﻮﻓﻲ ﻳﺎ ﺳﻤﻴﻪ .... ﻳﻀﺎﻳﻘﻚ ﻟﻮ ﻗﻠﺖ ﺳﻤﻴﻪ؟
ﻭﻻ ﺑﺎﺷﻤﻬﻨﺪﺳﻪ؟؟
ﺳﻤﻴﻪ: ﻗﻮﻝ ﺍﻟﻠﻲ ﺗﻘﻮﻟﻪ ﺧﻠﻴﻚ ﻓﻲ ﺍﻟﻤﻬﻢ
ﺍﺣﻤﺪ: ﺷﻮﻓﻲ ﻳﺎ ﺳﺘﻲ ﺍﻳﻤﻦ ﻃﻮﻝ ﻋﻤﺮﻩ ﺭﺍﺟﻞ ﻣﺘﺪﻳﻦ
ﻭﺧﺪﻭﻡ ﺟﺪﺍ ﻭﺭﺍﺟﻞ ﻗﻮﻱ ﻭﻋﻨﺪﻩ ﻛﺒﺮﻳﺎﺀ ﺭﻫﻴﺐ .. ﻣﺮﺍﺗﻪ
ﻣﺶ ﻋﺎﺭﻑ ﺍﻗﻮﻟﻬﺎ ﺍﺯﺍﻱ ﺑﺲ ﻣﺶ ﻗﺼﺪﻱ ﺣﺎﺟﻪ
ﻋﻠﺸﺎﻥ ﻣﺘﻔﻬﻤﻨﻴﺶ ﻏﻠﻂ
ﺳﻤﻴﻪ: ﺍﺗﻜﻠﻢ ﺑﺤﺮﻳﻪ ﻳﺎ ﺍﺣﻤﺪ
ﺍﺣﻤﺪ ﻓﺮﺡ ﻗﻮﻱ ﻟﻤﺎ ﺳﻤﻊ ﺍﺳﻤﻪ ﻣﻨﻬﺎ
ﺍﺣﻤﺪ: ﺍﻭﻙ ﺣﺒﻴﺒﻪ ﺟﻤﻴﻠﻪ ﻭﺟﻤﻴﻠﻪ ﻗﻮﻱ ﻛﻤﺎﻥ ...
ﺟﻤﻴﻠﻪ ﻟﺪﺭﺟﻪ ﺍﻟﻔﺘﻨﻪ
ﺳﻤﻴﻪ: ﺍﻧﺖ ﻫﺘﺘﻐﺰﻝ ﻓﻲ ﺍﺧﺘﻲ ﻛﺘﻴﺮ؟؟؟
ﻛﺎﻧﺖ ﻏﻴﺮﺍﻧﻪ ﻣﻦ ﺗﻐﺰﻟﻪ ﻓﻲ ﺟﻤﺎﻝ ﺍﺧﺘﻬﺎ
ﺍﺣﻤﺪ: ﻣﺶ ﻗﺼﺪﻱ ﺍﺑﺪﺍ ﺣﺒﻴﺒﻪ ﻣﺮﺍﺕ ﺍﺧﻮﻳﺎ ﻗﺼﺪﻱ
ﺍﻧﻬﺎ ﺟﻤﻴﻠﻪ ﻭﻣﻨﺘﻘﺒﻪ ﻭﺍﻳﻤﻦ ﻣﻌﺘﺰ ﺑﺪﻩ ﻭﻓﺠﺄﻩ ﺗﺘﺨﻄﻒ
ﻭﻳﻄﻠﺐ ﻣﻨﻪ ﻳﻮﺯﻉ ﺻﻮﺭﻫﺎ ﻋﻠﻲ ﻛﻞ ﺍﻟﺮﺟﺎﻟﻪ ﻭﺩﻱ ﺍﻭﻝ
ﺿﺮﺑﻪ ﻟﺮﺟﻮﻟﺘﻪ ... ﻭﺑﻌﺪﻫﺎ ﻳﺘﺒﻌﺘﻠﻪ ﺷﻌﺮﻫﺎ ﻭﺩﻱ ﻛﺎﻧﺖ
ﺗﺎﻧﻲ ﺿﺮﺑﻪ ﻗﺴﻤﺘﻪ ... ﻭﺑﻌﺪ ﻛﺪﻩ ﺗﻐﻴﺐ ﺍﺳﺒﻮﻋﻴﻦ ﻣﻊ
ﺗﻔﻜﻴﺮﻩ ﻃﻮﻝ ﺍﻟﻮﻗﺖ ﺍﻧﻬﺎ ﻣﻤﻜﻦ ﺗﻜﻮﻥ ﺍﺗﻌﺮﺿﺖ
ﻟﻼﻏﺘﺼﺎﺏ ﺑﺲ ﺍﻟﺤﻤﺪﻟﻠﻪ ﻣﺤﺼﻠﺶ ﺑﺲ ﺍﺗﺤﺮﺷﻮﺍ ﺑﻴﻬﺎ
ﻭﺩﻱ ﺿﺮﺑﻪ ﻗﺎﺿﻴﻪ ﻻﻱ ﺭﺍﺟﻞ ﻓﻤﺎ ﺑﺎﻟﻚ ﺑﻘﻲ ﻟﻮﺍﺣﺪ
ﻣﺮﺍﺗﻪ ﻣﻨﻘﺒﻪ ﻣﺤﺪﺵ ﺷﺎﻓﻬﺎ ﻗﺒﻠﻪ .... ﺍﻳﻤﻦ ﺍﺗﺰﻟﺰﻝ ﻣﻦ
ﺟﻮﺍﻩ ﻭﺛﻘﺘﻪ ﻫﻮ ﻓﻲ ﻧﻔﺴﻪ ﻭﻓﻲ ﺭﺟﻮﻟﺘﻪ ﺍﺗﻬﺰﺕ
ﻭﻣﺘﺨﻴﻞ ﺍﻭ ﻷ ﻣﻌﺘﻘﺪ ﺍﻥ ﺩﻩ ﺗﻔﻜﻴﺮ ﺣﺒﻴﺒﻪ ﺍﻥ ﻫﻮ ﻣﺎ
ﻋﺮﻓﺶ ﻳﺤﻤﻴﻬﺎ ﻭﺍﻧﻬﺎ ﻣﺶ ﻭﺍﺛﻘﻪ ﻓﻴﻪ ﻭﺍﻧﻬﺎ ﻓﻘﺪﺕ
ﺍﻻﻣﺎﻥ ﻣﻌﺎﻩ ﻭﺍﻧﻬﺎ ﺑﺘﻠﻮﻣﻪ ﻋﻠﻲ ﻛﻞ ﺍﻟﻠﻲ ﺣﺼﻞ ...
ﺍﻳﻤﻦ ﻣﻄﻌﻮﻥ ﻓﻲ ﻛﺒﺮﻳﺎﺅﻩ ﻭﺭﺟﻮﻟﺘﻪ ﻭﻋﻠﺸﺎﻥ ﻛﺪﻩ
ﻭﺍﻓﻖ ﻳﻄﻠﻖ
ﺳﻤﻴﻪ: ﻻ ﻃﺒﻌﺎ ﺣﺒﻴﺒﻪ ﻣﺶ ﺑﺘﻔﻜﺮ ﻛﺪﻩ ﻧﻬﺎﺋﻲ
ﺍﺣﻤﺪ: ﺑﺘﻔﻜﺮ ﺍﺯﺍﻱ؟
ﺳﻤﻴﻪ: ﺣﺒﻴﺒﻪ ﺑﺘﻔﻜﺮ ﺍﻧﻬﺎ ﺍﻻﻭﻝ ﺍﺗﻔﺮﺿﺖ ﻋﻠﻲ ﺍﻳﻤﻦ
ﻭﻫﻮ ﻭﺍﻓﻖ ﻳﺘﺠﻮﺯﻫﺎ ﻏﺼﺐ ﻋﻨﻪ ﻭﻟﻤﺎ ﻟﻘﺎﻫﺎ ﺣﻠﻮﻩ
ﻛﻤﻞ ﻣﻌﺎﻫﺎ
ﺑﺲ ﺣﺎﻟﻴﺎ ﻫﻴﺎ ﻓﻘﺪﺕ ﺍﻟﺤﻼﻭﻩ ﺩﻱ .... ﺟﻤﺎﻟﻬﺎ ﺣﻴﺎﺋﻬﺎ
ﻛﺒﺮﻳﺎﺋﻬﺎ ﺩﻳﻨﻬﺎ ﻋﻔﺘﻬﺎ ﺣﺘﻲ ﺷﻌﺮﻫﺎ ﺍﻟﻠﻲ ﻛﺎﻥ ﺑﻴﻌﺸﻘﻪ
ﻭﻫﻮ ﻋﻠﺸﺎﻥ ﻛﺪﻩ ﺳﺎﺑﻬﺎ
ﻻﻧﻪ ﻣﻌﺪﺵ ﻣﺘﻔﺮﺩ ﺑﻴﻬﺎ ... ﻻﻧﻬﺎ ﻣﻌﺪﺗﺶ ﺗﻠﻴﻖ ﺑﻴﻪ ...
ﻻﻧﻬﺎ ﺍﺗﻜﺸﻔﺖ ﻋﻠﻲ ﺭﺟﺎﻟﻪ ﻏﻴﺮﻩ ... ﺣﺘﻲ ﺍﺻﺤﺎﺑﻪ
ﻭﺯﻣﺎﻳﻠﻪ ﻭﻋﻠﺸﺎﻥ ﻛﺪﻩ ﻫﻴﺎ ﻋﺎﻳﺰﻩ ﺗﺒﻌﺪ ﻋﻠﺸﺎﻥ
ﻣﺘﺤﺮﺟﻮﺵ ﻗﺪﺍﻡ ﺣﺪ ... ﻫﻴﺎ ﻓﺎﻫﻤﻪ ﺍﻥ ﻛﻞ ﺍﻟﻤﻴﺰﺍﺕ
ﺍﻟﻠﻲ ﻛﺎﻧﺖ ﺑﺘﻤﻴﺰﻫﺎ ﺧﺴﺮﺗﻬﺎ ﻓﺒﺘﻔﺘﺤﻠﻪ ﺍﻟﺒﺎﺏ ﻟﻮ ﻋﺎﻳﺰ
ﻳﺨﺮﺝ ﻳﺨﺮﺝ ﺑﺮﺍﺣﺘﻪ ﻭﻟﻼﺳﻒ ﺍﻳﻤﻦ ﺧﺮﺝ
ﺍﺣﻤﺪ: ﻭﺍﻟﻠﻪ ﺍﻧﺎ ﻗﻠﺖ ﻛﺪﻩ ﻻﻳﻤﻦ ﻭﻫﻮ ﻣﺎ ﺻﺪﻗﻨﻴﺶ
ﺳﻤﻴﻪ: ﻳﻌﻨﻲ ﺍﻳﻤﻦ ﺑﻴﺤﺒﻬﺎ؟؟؟
ﺍﺣﻤﺪ: ﺍﻳﻤﻦ ﺑﻴﻌﺸﻘﻬﺎ
ﺳﻤﻴﻪ: ﻭﻫﻴﺎ ﺑﺘﻌﺸﻘﻪ ... ﻃﻴﺐ ﻭﻫﻨﻌﻤﻞ ﺍﻳﻪ؟
ﺍﺣﻤﺪ: ﻣﺶ ﻋﺎﺭﻑ ﺑﺼﻲ ﺍﻧﺎ ﻋﻨﺪﻱ ﻓﻜﺮﻩ ﺑﺲ ﻣﺠﻨﻮﻧﻪ
ﺣﺒﺘﻴﻦ ﻭﻣﻤﻜﻦ ﺗﻜﻠﻔﻨﻲ ﺻﺤﻮﺑﻴﺘﻲ ﻣﻊ ﺍﻳﻤﻦ ﺑﺲ ﻣﺶ
ﻣﻬﻢ ﺍﻟﻤﻬﻢ ﺍﻧﻬﻢ ﻳﺮﺟﻌﻮﺍ ﻟﺒﻌﺾ ﻭﺑﻌﺪﻳﻦ ﻫﺤﺘﺎﺝ
ﻟﻤﺴﺎﻋﺪﺗﻚ
ﺳﻤﻴﻪ: ﺍﻧﺎ ﻣﻌﺎﻙ ﻗﻮﻝ ﻭﺍﻧﺎ ﻫﺴﺎﻋﺪﻙ
ﺍﺣﻤﺪ ﻗﺎﻟﻬﺎ ﻋﻠﻲ ﻓﻜﺮﺗﻪ ﻭﻫﻴﺎ ﺍﺗﺼﺪﻣﺖ ﻣﻨﻬﺎ ﺟﺪﺍ
ﺳﻤﻴﻪ: ﺍﻧﺖ ﻣﺠﻨﻮﻥ؟؟؟؟ ﺍﻳﻤﻦ ﻫﻴﻘﺘﻠﻚ ﻣﺶ
ﻫﻴﺨﺎﺻﻤﻚ ﻻ ﻃﺒﻌﺎ ﺍﻟﻔﻜﺮﻩ ﺩﻱ ﻣﺠﻨﻮﻧﻪ ﻭﻣﺘﺨﻠﻔﻪ
ﺍﺣﻤﺪ: ﺍﻟﻔﻜﺮﻩ ﺩﻱ ﻫﺘﺨﻠﻴﻬﻢ ﻳﺘﻜﻠﻤﻮﺍ ﻣﻊ ﺑﻌﺾ
ﻭﻳﺮﺟﻌﻮﺍ ﻟﺒﻌﺾ
ﺳﻤﻴﻪ: ﺍﻧﺖ ﻓﻌﻼ ﻫﺘﺨﺴﺮ ﺍﻳﻤﻦ ﺑﻔﻜﺮﺗﻚ ﺩﻱ ﻣﺴﺘﻌﺪ
ﻟﺪﻩ؟
ﺍﺣﻤﺪ: ﻣﺴﺘﻌﺪ ﻫﺘﺴﺎﻋﺪﻳﻨﻲ؟؟؟
ﺳﻤﻴﻪ: ﻫﺴﺎﻋﺪﻙ

ليست هناك تعليقات:

إرسال تعليق

glx_ce58b9c8b92c2c556880818058d6a69d.txt